قصيدة لشاب فقير بيخطب بنت عمه المليونير ....

[معلومات العضو ماعاش من يذلني]

قصيدة لشاب فقير بيخطب بنت عمه المليونير .. حلووة (القصيدة)
قصيده رهيبه


سبحان من يرزق بتوع الملاييـن*** الرازق اللي ما يخيب الرجـا بـه


لي عم عنده معـرضٍ للصواليـن ***أموت واعرف بس من وين جابـه


وإذا سألته قـال بعـت الدكاكيـن***ما يدري إني ما هضمت الإجابـة


الشاهد إني رحت له قبـل يوميـن***في قصره العامـر ودقيـت بابـه


قال أرحب أرحب عدّد ورد البساتين***يا مرحبا باللـي لفـا يـا هلا بـه


قلت البقا عـدّ النفـل والرياحيـن ***يا شيخ شمل أهل الكرم والذرابـه


قال اسلم الله يحفظك لي من العين***وآمر أوامر حضرتـك مستجابـة


قلت الصراحة طالبٍ قرب غاليـن*** ودي تزوجنـي كريمتـك يـابـه


ثنّى وقال أهليـن والله وسهليـن***والكون ترخص لجل عينك رقابـه


لكن ترا عندي شـروط وقوانيـن***قلت اشرط اشرط يا حبيب الغلابـة


قال أولاً مهر العروسـة ثمانيـن***غير الرسوم وغير حق العصابـة


والثانية عمك يبي منـك سبعيـن***رسم الأبـوّة والنسـب والقرابـة


وأم العروسة حقها منـك ستيـن***عشانها ست الحسـن والمهابـة


وإخوانها كلن يبي منـك خمسيـن***عداً ونقـداً تنـدرج فـي حسابـه


وخواتها الخمس عطهن من ثلاثين***عشان تتوثـق عـروق النسابـة


وتجيب طقم عيار واحد وعشرين***وخاتم من الماس المصفى ترابـه


وأكياس متروسة كعوب وفساتيـن***ألوانهـا وأشكالهـا مـا تشابـه


وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه


هذي الشروط اللي على بالي الحين***وذكرني اللي ما حسبنـا حسابـه


قلت اذكر الله يا عـدو المساكيـن***واستغفـره لا يبتلـيـك بعـذابـه


الظاهر إنك منت عارف أنا ميـن ***أنا لو أرقى فـوق متـن السحابـه


ما جبت حتى نص درزن مواعيـن***واضحك بكيفك واعتبرهـا دعابـة


شروطكم هذي شـروط المجانيـن***شروطكم شغـل ابتـزاز ونهابـه


شروطكم تقصم ظهـور البعاريـن***شروطكـم همّـن وغـم وكآبـه


شروطكم والله سيوف وسكاكيـن***تذبح بنات المجتمع مـع شبابـه


وين الرضا والعطف واليسر والليـن***اللي ذكرهـا الله بمحكـم كتابـه



وين الصفات اللي أمرنا بها الديـن **وين اختفى نهج النبي والصحابـة


يا عم جعل اللي خلقنا من الطيـن**يرد عقلك مـن خطـاه لصوابـه


ويجعل نصيبي عند غيرك قل آمين**ويحسن عزا الصابر ويجزل ثوابه


قال أنت لو فكرت تفكير صاحيـن***ما شفت في مجمل شروطي غرابه


حنا بعصـر العولمـة والمزاييـن *** ماهوب عصر الفلسفة والخطابـة


الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة


يا بوك لا تسمع كلام المصاخيـن***واسأل مجرب عاش في وسط غابه


قلت الله أكبر يا محـرر فلسطيـن ***من يسمعك يحسبك ذيـب الذيابـه


تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق



قال انقلع مالت على وجهك الشين****لا عاد أشوفـك عندنـا يالزلابـه



قلت ابشر أبشر لكن الباب من وين**وأقفيت من عنده على صوت بابـه

 

 

 

 

[معلومات العضو في صمتي لك كلام]

البدايه حلووه واصلا لو عنده هالدراهم كلها ماجاء خطب بنته بروح يفلها ههههههههه ^_^
ماعاش من يذلني لاهنت على القصيده والله يوفقك يارب ويكرمك بكرمه
تقبل مروري ^_^

 

 

 

 

[معلومات العضو ماعاش من يذلني]

ارحــــــــــــــــــبي يـــابـــنــت الاجـــواد

تســـلمـــين ع المـــرور
ولاهنـــتي

 

 

 

 

[معلومات العضو ناصر بن فهد]

صح لسان الشاعر ولقد غناء هالابيات الفنان محمد بن علي ^_^ وآمم ابيات حلوه لكن في بعض البيوت ودتس ماكتبها لاهنتي وسلمت يداتس

 

 

 

 

[معلومات العضو فهد المقابله]

اولها زين وتاليها شين

 

 

 

 

[معلومات العضو ماعاش من يذلني]

يـــامرحــبا مــليــون انـــرتو مـــتصـــفحــي