سيد العارفين

**معلومات** **العضو** · 02-08-2010, 08:37 PM

لج قلبي لج بامب تضخ النترجين=في حقول الغازوالغاز عيا ماظهر
اربع وعشرين ساعه عليها مداومين=صنعة اللي عزوته كلها عزوة كفر
اندبوهم بالتخصص وبأسم الكرملين=وشيخوهم بالصحاري وفي عرض البحر
من ورى شيبه وسلوى لياماقيل وين=لاحقل غوار مشمل لايبرين وحدر
قدلهم وكبودهم ياجماعه محمضين=ودهم بالوادي اللي مصبه في قطر
ماذكر بعلاه موجزخبر للفاهمين=عن ضميركن به صوت الالات وبشر
ياخليفه قصتي وانت سيد العارفين=قصة تروي عذابي بعد ثالث شهر
مخاوي جرح المعاناه مهموم وحزين=صابروالقلب مابين الاضلاع انفطر
انفجرصدري من الوجد واشواق الحنين=والضروف تسوقني في متاهات القدر
العب المنكوس واجرصوتي بالونين=كل يوم ساعة الصفرتبدا من عصر
اترقب واتحرى متى الموعد يحين=واطلق اسبوق المناوي على صيد القفر
وطالة المده عسى الله يعين الصابرين=وكملت الاعذار ماعاد باقي لي عذر
يابوهادي وش بقالي من العذر السمين=مايجمل عند ابوطلة كنها القمر
لاظحك لي تبتسم لي مجاهيم السنين=وان تضايق قلت لابوك يادنيا الفقر
في سبيل ارضاه نصبرعلى الظلم المبين=لويضيع ماجمعناه يفداه العمر
خيرمابقول يالله تزينها تزين=قبل تقفي لذة العمرماذقنا الثمر

**معلومات** **العضو** · 02-08-2010, 10:09 PM

صح الله لسانك يابو محمد شاعر ومبدع وافتخر اني اول من يمر هناء

**معلومات** **العضو** · 02-08-2010, 11:23 PM

ارحب يابومحمد
شاعر ولافيك حيلة
ولاتحتاج مني شهادة
في ذلك وذكرتنــــي بايام
التنقيب وسلوى جعلها السيل
صـــــــح الله لسانك مليون وزيادة

**معلومات** **العضو** · 03-08-2010, 03:27 PM

ابو وليد صح لسانك وبدنك وانشهد ان شعرك يروي الذائقه وله طعم خاص , ولا يكتب ماكتبت الا العمالقه وانت واحد منهم

تقبل تقديري

**معلومات** **العضو** · 03-08-2010, 03:41 PM

يزينها الله ان شاءالله

صح لسانك ياحسن على هذه القصيده الجزله

وتسلم يمناك ولا عدمنـــــــاك

تحيـــاتي وتقديـــري ,,

**معلومات** **العضو** · 05-08-2010, 04:01 AM

مخاوي جرح المعاناه مهموم وحزيـن
صابروالقلب مابيـن الاضـلاع انفطـر

انفجرصدري من الوجد واشواق الحنين
والضروف تسوقني في متاهات القـدر

العب المنكوس واجرصوتـي بالونيـن
كل يوم ساعة الصفرتبدا مـن عصـر

صح الله لساااااانك ملاييييين وملياااااارت الا يابومحمد
شاعر رغم انف الشعر نفسه (ماشاءالله علييييييك)
واعانك الله على ما ابتليت به ومالك الا الصبر يالقرم
ووالصبر مفتاح الغنيمة
يسلم راسك وصبّر الله قلبك على بعدك
ويسلم منطوووقك الجزل
تقبل مروري المتواضع على هالرائعة ..

**معلومات** **العضو** · 05-08-2010, 05:16 AM

صح االسانك واعتلى شانك

**معلومات** **العضو** · 06-08-2010, 01:06 AM

ارحب يابومحمد ترحيبة من يبرين والغوار الى بحر جده
صح لسانك واعتلى شانك مبدع دائما ...
ابومحمد وش معنى((الكرمليـن))
والقصيده ابياتها توحي بأنها غزليه لكن في الواقع انها ليست كذلك!
لكن الله يقر عينك بشوفته ومثل ما قلت لك لازم تشتري السيارة هههههههههههه

**معلومات** **العضو** · 06-08-2010, 01:11 AM

صح لسانك واعتلى شاانك

ولآهنت يا القرم

**معلومات** **العضو** · 09-08-2010, 05:56 PM

ارحب يابوفهد الله يبيض وجهك ويصح بدنك يالقرم مجمل وشرفتني بمرورك لاهنت..

**معلومات** **العضو** · 09-08-2010, 05:58 PM

مشكوووووووور ياشافي ولاهنت

**معلومات** **العضو** · 09-08-2010, 06:16 PM

حسن مساك الله بالخير

صح الله لسانك

دائما متميز

أهديك قوافل الاحترام

**معلومات** **العضو** · 09-08-2010, 06:22 PM

حســـن
صح لسانكـــ وتسلم يمينـــك ابدعت
قصيده مميزه خطتها انامل مميزه

وديـــ

**معلومات** **العضو** · 14-08-2010, 01:27 AM

وطالة المده عسى الله يعين الصابريـن وكملت الاعذار ماعاد باقي لـي عـذر
يابوهادي وش بقالي من العذر السمين مايجمل عنـد ابوطلـة كنهـا القمـر
لاظحك لي تبتسم لي مجاهيم السنيـن وان تضايق قلت لابوك يادنيـا الفقـر
في سبيل ارضاه نصبرعلى الظلم المبين لويضيـع ماجمعنـاه يفـداه العـمـر
خيرمابـقـول يالله تزينـهـا تـزيـن قبـل تقفـي لـذة العمرماذقنـا الثمـر

صح السانك اخوي حسن قصيده رائعه جدا ونابعه من قلب

والله ابياتها مؤثره واعجبتني

**معلومات** **العضو** · 15-08-2010, 07:08 AM

صح الله السانك

صح الله السانك

وجمل الله حالك يابن بطحيه

نص جزل ولا يكتبه الا شاعر كبير والكبير الله سبحانه

لاهنت يالذيب على هذا النص الرائع

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية