قصيدة مزاين جلاجل

**معلومات** **العضو** · 15-06-2010, 12:23 AM

مزاين جلاجل

قصيدة حفل التميز عام 1431هـ ، والذي اقيم بمدينة جلاجل على شرف صاحب السمو الامير سلطان بن محمد بن سعود الكبير

قبل القصيد وقبل دندنة القوافي والحروفبسم الله ابدى وانتهي ربي عليه المتكل

الواحد اللي بالرجا والخوف نَرفع له كفوفواللي نساله سلعة التوفيق في قول وعمل

واطيب صلاة للنبي بعَد من حج ويطوفيالله ثبتنا على هديه عن اصحاب الملل

واكتب لنا في جملة القبلان عندك يارؤوفإنا اليك ومنك لا نرجو سواك ولا نَسَـل

ثم السلام اطيب سلام لمن لفانا من ضيوفهاليوم كَـن السعد بالدنيا علينا مُختزل

حيا الله اللي في جلاجل شرفوا حفل(ن) طفوفاستبشرت باللمـة افـــواد(ن) وقـرت بــه مُقل

متقدم فيهم ولد شقران في وجه الصفوفاستبشري ياجلاجل بجِيه ويالوجه اسفهل

رجل نعرفه باطيب السيرة على راس الكشوفإليا حسبنا جامعين الشمل في دار وأهل

متسمي(ن) باسمه وله منه السماوه والوصوفحياه ربي يوم شرف دارنا والمحتفل

اليوم يوم(ن) نكتب الأسماء في صدر القنوفذي عادة(ن) فينا قديمة لانمل ولا نكل

الله خلقنا في جلاجل ماخلق فينا نكوفمن حيننا نرسم تفاصيل الكمال ولم نزل

من شافنا فيها عليها قال تِلعبهم صروفلا تشتغل معهم حلول ولا تحَيدهم حيل

ياسامعي قلي وش اللي في ثناياها تشوفياكن ربي مصطفيها كل مافيها كمل

فيها الليالي تنتشي وقعاً على اللحن العزوفومنها النهار اليا انسلخ يفتح على الدنيا أمل

ان رحت طب مع فهد وان جيت فقه مع هنوفالكل فينا من تفاريد المعرفه قد نهل

من عصر ليحان الكتاتيب ومزاحمة الكتوفإلين وقت الكمبيوتر والدفاتر والفصل

ومن وقـت سمّع ياولد ،، ياعيال خلفه بالهتوفالين وقت ارسل لي الايميل واضرب به مثل

نجني ثمار المعرفة من كل غصن في ريوفونباهي اللي نافسونا في سباق مشتعل

العلم في عرف العرب ماهوب كتب بالرفوفالعلم بنزين العقول اللي لوجهتها تصِل

والعلم ماهو للطموح النوم والقطن الندوفالرخو ماشال الامم والغث ما عز الدول

واركان قوه كل أمة علمها ثم السيوفوالله شرع فينا نظام اقرأ وعلم من سأل

والخاتمة يازين ماقال العرب في هالظروفخير الكلام اللي على الأسماع ما قلّل ودَّل

في كل عام (ن) في جلاجل واثبتوها يالصفوفهــــذا مــزاينّا وحـــنّا فـي مـزاينّا مـثــل

وسلامة الجميع

**معلومات** **العضو** · 15-06-2010, 12:32 AM

صح لسانك اخوي جلاجل ودائماً مبدع

انشاءالله نسمعها شيله عن ما قريب

تقبل تحياتي وتقديري

**معلومات** **العضو** · 15-06-2010, 12:50 AM

صح السانك

ماقصرت

**معلومات** **العضو** · 15-06-2010, 01:35 AM

صح الله لسانك اخوي جلاجل الجلاجل

قصيدة مكتملة وجزلة

وبيض الله وجهك

على ذا الابداع المتميز

**معلومات** **العضو** · 15-06-2010, 03:24 AM

صح لسانك واعتلى شانك مدد بلا عدد يالقرم
تقبل تحياتي

**معلومات** **العضو** · 21-07-2010, 12:35 AM

اقتباس:المشاركة الأصلية كتبت بواسطة ابومبخوت الشكريصح لسانك اخوي جلاجل ودائماً مبدع

انشاءالله نسمعها شيله عن ما قريب

تقبل تحياتي وتقديري

صح بدنك يالشكري وحياك الله

خالص تقديري لردك الله لايهينك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية