كنــوز البداوه لشلعان بن ظافر الودعاني

**معلومات** **العضو** · 20-08-2005, 09:56 PM

بسم الله الرحمن الرحيم

السلام عليكم ورحمة الله وبركاته

الاخوه الاعزاء منتدى قبيلة الدواسر اطرح بين ايديكم هذي القصيده

التي تتكلم عن حيات الباديه وما فيها من معزه وحسن عيش

لشاعر من شعراء الدواسر البارزين الذي اتحف الساحه الشعريه بكثير من

القصايد المعبره في جزالتها ومعانيها الشاعرشلعان ين ظافر بن فهيد الجماعين

الودعاني الدوسري الله يرحمه ويسكنه الجنه ويبارك في ذريته..

بـدعــت المـثـايـل والمـثـايـل لـهــا بـيـبـانالـــى فـتـحـت بيبـانـهـا حـــاك مـــا فـيـهـا

عـلـى القـصـد والمقـصـود بـعـدل القيـفـانعـسـى راعـــي الـبــل عـنــد ذوده يغنـيـهـا

يـغـنـي بـهــا فـــي خـايــع ٍ عـلــه الـــودانبذيـك النفـود اللـي عـسـى الغـيـث يسقيـهـا

تهـشـم ربـابـه مــن طـريـف ٍ الــى نـجـرانمداهـيـل عــوج السـيـق ربــي رضــا فيـهـا

تـشـوف الخـزامـا والشـقـاري مــع المـكـنانتـخـالـف زهــرهــا سـاكـنــات ٍ ذواريــهــا

تكبـر قـيـاع الـرمـث مــن زاهــر الـحـوذانكسـاهـا ولــي الـعـرش واحـسـن كساويـهـا

مداهـيـل حـلـوات اللـبـن خـلـقـة الـرحـمـنمجاهـيـم ســود ٍ خـالـق الـكــون مسـويـهـا

مجاهـيـم جاذبـهـا الفـحـل والوجـيـه زيـــانوســــاع ٍ مـرافـقـهـا طــــوال ٍ خـطـاويـهـا

جليـلات عظـم السـاق مرفـوعـة الحجـبـانطـــوال الــرقــاب مـشـرهـبـات ٍ اذانـيـهــا

عـراض الخـدود اللـي تمـاري بـهـا الـبـدوانكـبــار الـفـقـار مـوسـعـة صـــدر راعـيـهــا

مجـاهـيـم رمـلـيـات لخـشـومـهـا نـيـشــانتــرافــض بـلادمــهــا حـــــداد ٍ نـواصـيـهــا

هـوى القلـب خطـوى نايفـه والضلـوع متـانتـجـي باالـحـلا والـزيــن وتـــرد بـــه فـيـهـا

كبـيـرة مــزر الــورك فجحـامـن السـيـقـانتـخـنـطـل قـوايـمـهــا كــبـــار ٍ مـواطـيـهــا

تـمـايـح بـذيــل ٍ مــثــل دراهــــة الــغّــراننــهــار الــطــرب هــــذا لــهـــذا يـوديــهــا

لـهــا غـــارب ٍ مـتـقـدم ٍ شـامــخ ٍ مـلـيــانيـدافــر حـبــاك الـعـيـز والـعـيــز حـالـيـهـا

وســاع ٍ منـادغـهـا مـــن الـــزور للكـيـعـانبـهـا كــل شـــي ٍ زيـــن والـمـلـح غاشـيـهـا

طـيـوح ٍ تـحـذف اشنافـهـا واسـعـة بـيـعـانفـــروع ٍ فـتــون الـبـيـد عـســم ٍ ايـداديـهـا

ولا رايـعـت كـــن المـعـنـق عـلــى رمـــانتـعـوجـه مـــن الـعـانـق خـفــوق ٍ لواحـيـهـا

سنـود ٍ مـن الغـارب فسيحـه مـن الذرعـانعـسـى ربـنــا مـــن شـــر خـلـقـه ينجـيـهـا

والبـل تراهـا الـسـود والصـهـب ياالضـفـرانوشـقــح ٍ ســـواد اذيـالـهـا فـاصــل ٍ فـيـهـا

انـا حـب شــوف الـوضـح وضـاحـة الالــوانمغـاتـيـر مـــن جـلــد الوضـيـحـي تحالـيـهـا

مـغـاتـيـر جــذابــات ومـكـحــلات اعــيــانجـمـيـع الـوصـايـف كـلـهـا كـامـلــه فـيـهــا

مغاتيـر فنـس خشـوم فيـهـا الدريـعـي يــانعرانـيـنـهـا وشـعـوفـهـا فـاصــلــه فـيــهــا

مغـاتـيـر مـعـروفــات وطـبـوعــن زيــــانعلـى الصـوت تبغـي راعـي الصـوت يدعيهـا

الـى شفتـهـن رتــوع فــي خـاطـي الجـيـانتـشـادي القـنـوف المرسـيـه بـامـر والـيـهـا

مغاتيـر لامــن سمـعـت الـصـوت والـدنـدانلاكـــــن الـذيــابــه تـهــتــوش عنـدتـالـيـهـا

مغاتـيـر لا غـنــى المـغـنـي عـلــى عـلـيـانضربهـا السطـر لا صــاح بالـصـوت راعيـهـا

الـــى جـلـعـت لاكـنـهــا شــــرد الــغــزلانوراهــــا الـمــفــرد يـابــســات ٍ عـلابـيـهــا

الى من ذعرهـا الصـوت واستولـت الميـدانيـقــوس ذرايـــب عـجـهـا مـــن سمـاريـهـا

ركـد عجـهـا مــن سجـهـا والـجـرس رنــانتـجــي ذي مـــع هـــاذي وهـــاذي تبـاريـهـا

{ترى البل فرح وسرور من خلقة الانسان }{ عـسـى الله يـبـور بـواحـد ٍ بـايـر ٍ فيـهـا }

كـنـوز الـبـداوه مـنـقـذة راعـــي البـسـتـانمــوارث جــدود ٍبـاشـهـب الـمـلـح تحمـيـهـا

مداخيلـهـا عـســره عـلــى بـايــع الـرمــانولا تصلـح الـبـل كــون فــي مــرح اهاليـهـا

حــلا مـاحـلا مـرواحـهـا تـجــذب الـحـيـرانالـى اقبـل غـروب الشمـس والليـل ضاويهـا

على بيت مـن هـو يكـرم الضيـف والجيـرانعشـيـر النشـامـا كــل مــا حـــل طـاريـهـا

عسى من يسوق المـال فـي غاليـة الاثمـانيـبــارك لـــه الـرحـمــن فـيـهــا ويـذريـهــا

انـا قلتهـا وادخـل عـلـى الله مــن النسـيـانمــع الـنـاس صـفـر وزرق مـانـي بناسـيـهـا

وحـمــر ٍوشـعــل ٍتخـتـلـف بيـنـهـا الالـــوانالـى تـاه فيـهـا الـوصـف تـعـرف باساميـهـا

تـرى البـل تعـز الرجـل تكفـون ياالشحـعـانحـــرام ٍ علـيـكـم تـركـهـا والـطـمـع فـيـهـا

وصــلاة ربــي عـــد مـــا لاح بـــرق وبـــانبـســود الـقـنـوف الـلــي غـــلاظ ٍ مثانـيـهـا

علـى الهـادي المبعـوث بسنـه مـن الرحمـنشـفـيـع امـتــه لا نـوديــت بــامــر والـيـهــا

وســـلا مـــتـــكــــم

اخـــوكم / ابن هـــديــهــد,,

**معلومات** **العضو** · 20-08-2005, 10:40 PM

ابن هديهد

سلمت يمينك على الأختيار الطيب

وصح لسان الشاعر / شلعان الودعاني

ورحمه الله وأموات المسلمين

**معلومات** **العضو** · 21-08-2005, 07:07 AM

الواضح

ومن قال سالم والله يرحم شاعرنا شلعان

مرورك شرف لي وفعلاً أسمٍ على مسما دايمن

ونت في كل موضوع واضح لاعدمناك يالقرم

والك تحياتي

اخوك . ابن هديهد

**معلومات** **العضو** · 21-08-2005, 03:01 PM

الأخ العزيز الغالي أبن هديهد

متميز في طروحاتك لاخلينا منك ياابو ناصر

فلقد تعودنا على قرآءة ماهو مفيد في مواضيعك المتميزه

سلمت يداك ورحم الله أباك وزين الله ملفاك

ورحم الله العلم الشعري شلعان بن ظافر

فقد كان أشهر من نارٍ على علم

تحياتي القلبية لمقامك العالي

ونحن في إنتظار مشاركاتك الجديده

محبك ومغليك أبو محمد

**معلومات** **العضو** · 22-08-2005, 08:04 AM

دغش البطي

يامرحباً ألف مدد يابو محمد

وجودك لاعدمتك ومتابعاتك لي وتشجيعك

هو الدافع الحقيقي مرورك شرف كبير

وكلماتك وسامٍ على صدري

أشكرك جزيل الشكر

محبكم .ابن هــــديــــهــــد

**معلومات** **العضو** · 22-08-2005, 11:51 AM

( ابو ناصر )

تسلم يمينك ياذيبااااااان على النقل الرئع

لقصيده الشاعر شلعان ابن ظافر الودعاني

وهذه عوايدك يالسنافي ماتجيب الاّ الجزل

عسى عمرك طويل .

تحياتي لك .

**معلومات** **العضو** · 22-08-2005, 11:41 PM