الــــــــــــيوم كملني من العمر خــــــــــــمسين

[معلومات العضو براك السديري]

يالعين صيري  دايم  الـدوم  تبكيـن

على مدار  أربع  وعشريـن  ساعـه

أرثي  لعمرٍ  فـات  وانعيـه  يالعيـن

وابكي على ما فاتنا  مـن  ُطماعـه

اليوم كمّلتي مـن  العمـر  خمسيـن

تلعبّـك   اوهـام   الغـرور   ومتاعـه

يا ما خدعنا الوقت  بالمظهر  الزين

واليوم  يا  عينـي  عرفنـا   خداعـه

ما ندري إن الوقت لُه باطنٍ  شيـن

الاّ  بعـد  مـا  قـام  يسقـط  قناعـه

وإن ما انتهزنا تالي  العمر  فالديـن

والاّ  خسرنا  ما  لنـا  مـن  بضاعـه

باقي العمر في علـم رب  الثقليـن

تماكنـي   تاليـه   قبـل   انقشـاعـه

مع هجعة اوباش  الملا  لا  تهجعيـن

حيي الدجا  ذكر  وتوسـل  وطاعـه

اليا بقا  ثلثٍ  ومضـى  منـه  ثلثيـن

وقـتٍ   يربّـح    باذريـن    الزراعـه

لا  ناموا  اللـي  فالملـذات   لاهيـن

تضرعـي   لله   باكـف    الضراعـه

ويا الاذن في قول الخنا  لا  توحّيـن

والذكر  والنصح  انصتي  لاستماعـه

اليا استمعتي  للذكـر  والصحيحيـن

يصير  عندك  ضـد   غيـره   مناعـه

ويا الرجل لوحيتي  الندا  لا  توانيـن

اليا  دعا  داعـي  صـلاة   الجماعـه

ويا النفس مع درب الهوى لا تميلين

بيعيه  مثل  اللي  زهـد  بـه  وباعـه

الخمسـة   الاركـان   لازم   تلبـيـن

بتوحيد  واخلاص   ويقيـن   وقناعـه

عسى بتالِ  العمر  ثقـل  الموازيـن

كود يتعوّض ما  مضى  من  ضياعه

سالين  كنـا  دايـم   الـدوم   حييـن

ولا  دامت  الدنيـا  لـراع  الشفاعـه

والأنبيـا    والأوليـا     والسلاطـيـن

واهل المروة  والكـرم  والشجاعـه

العبد  مهما  عمّر  أحقـاب  وسنيـن

له  ساعـةٍ  فيهـا  يطـوّى  شراعـه

يرحل   وخلانـه   وربعـه   مقيميـن

وتصير فرقا الشمل  بعد  اجتماعـه

وصلوا على المبعوث  جد  الحسني

ما نبت من نبتٍ  وما  ازهر  طلاعه

 

 

 

 

[معلومات العضو الهول الودعاني]

الله الله

صح لسااااااااانك

 

 

 

 

[معلومات العضو برنسيسه الريــــاض]

صــــــــــــــــــــــــــــــــــــــــــح لســـــــــــــــــــــــــــــانك

 

 

 

 

[معلومات العضو الشقرديه]

صح لسانك ولسان الشاعر ولاهنت على القصيده

 

 

 

 

[معلومات العضو فيصل فهد المطيري]

صح لسانكـ

عزاللـه قصيده