الــــــــــــيوم كملني من العمر خــــــــــــمسين

[معلومات العضو براك السديري]

يالعيـن صيـري دايـم الـدوم تبكيـن

علـى مـدار أربـع وعشريـن ساعـه

أرثـي لعمـرٍ فـات وانعـيـه يالعـيـن

وابكي على مـا فاتنـا مـن ُطماعـه

اليـوم كمّلتـي مـن العمـر خمسيـن

تلعـبّـك اوهــام الـغــرور ومـتـاعـه

يا ما خدعنا الوقت بالمظهـر الزيـن

واليـوم يـا عيـنـي عرفـنـا خـداعـه

ما ندري إن الوقت لُه باطـنٍ شيـن

الاّ بـعـد مــا قــام يسـقـط قنـاعـه

وإن ما انتهزنا تالـي العمـر فالديـن

والاّ خسرنـا مـا لـنـا مــن بضـاعـه

باقي العمر فـي علـم رب الثقليـن

تماكـنـي تـالـيـه قـبــل انقـشـاعـه

مع هجعـة اوبـاش المـلا لا تهجعيـن

حيـي الدجـا ذكـر وتوسـل وطاعـه

اليـا بقـا ثلـثٍ ومضـى منـه ثلثـيـن

وقـــتٍ يـربّــح بـاذريــن الـزراعــه

لا نـامـوا الـلـي فالمـلـذات لاهـيـن

تـضـرعـي لله بـاكــف الـضـراعــه

ويا الاذن في قـول الخنـا لا توحّيـن

والذكـر والنصـح انصتـي لاستماعـه

اليـا استمعتـي للذكـر والصحيحيـن

يصيـر عـنـدك ضــد غـيـره منـاعـه

ويا الرجـل لوحيتـي النـدا لا توانيـن

اليـا دعـا داعــي صــلاة الجمـاعـه

ويا النفس مع درب الهوى لا تميلين

بيعيـه مثـل اللـي زهـد بــه وبـاعـه

الخـمـسـة الاركـــان لازم تـلـبـيـن

بتوحيـد واخــلاص ويقـيـن وقنـاعـه

عسـى بتـالِ العمـر ثقـل الموازيـن

كود يتعوّض ما مضـى مـن ضياعـه

سالـيـن كـنـا دايــم الــدوم حيـيـن

ولا دامـت الدنـيـا لــراع الشفـاعـه

والأنـبـيـا والأولــيــا والـسـلاطـيـن

واهـل المـروة والكـرم والشجاعـه

العبـد مهمـا عمّـر أحقـاب وسنـيـن

لـه ساعـةٍ فيـهـا يـطـوّى شـراعـه

يـرحـل وخـلانـه وربـعـه مقيـمـيـن

وتصير فرقا الشمـل بعـد اجتماعـه

وصلوا على المبعوث جـد الحسنـي

ما نبت من نبتٍ ومـا ازهـر طلاعـه

 

 

 

 

[معلومات العضو الهول الودعاني]

الله الله

صح لسااااااااانك

 

 

 

 

[معلومات العضو برنسيسه الريــــاض]

صــــــــــــــــــــــــــــــــــــــــــح لســـــــــــــــــــــــــــــانك

 

 

 

 

[معلومات العضو الشقرديه]

صح لسانك ولسان الشاعر ولاهنت على القصيده

 

 

 

 

[معلومات العضو فيصل فهد المطيري]

صح لسانكـ

عزاللـه قصيده