الشاعر الكبير سعد بن سالم بن سويحل الخضران يمتدح قبيلة العجالين

**معلومات** **العضو** · 08-04-2009, 05:19 PM

راكب اللي لاتكيّف في مسيره = ناصياً لفلاج يقضــــي لازمٍ له
أنحر شيوخٍ مواقفهم عسيره = العدو لامن ذكرهم جاه خــــــله
(آل معجب وآل حزامٍ ) هم ذخيره = مسند اللي سود الأيام أصفقله
القـــــــصايد بالمدايح مستنيره = كل شيخٍ في مدايحهن زهـــله
سمعة الطيّب تجيك بكل ديره = شيوخنا اللي بالمراجل مستقله
هم هل الديره وزبن المستجيره = وكل قولي صايبٍ دقه وجــــــله
هم هل التاريخ ومورٍ كثيره = سعد منهم بالمواقف محزمـــله
شيخة الفرجان في راي وبصيره = عندهم واللي يشكك مضحيـــله
كل هــــــــرشٍ لاهدر يكتم هديره = والصــعب لامن ولوه يزين دله
لايفــــــــــكر في مواضيعٍ مثيره = ماحصل للي مضاله بيـــــحصله
ساس بيت العز ساسه وتعميره = أنتو ساس البيت ونتو ضل ضله
ياذرانا عن سموم وعن هجيره = ياسـندنا في أمورٍ مستـــــــــجلّه
القوافي في ضميري مستثيره = كل بيــتٍ كاتبينه في محـــــــــــله
ياشيوخ العز ياشيوخ العشيره = كل شيـــخٍ لانصيته ماتمــــــــــله
ديرتٍ منتوبها ماهــــــيب ديره = ذا جواب اللي كلامــــه شاهد له
ذا جواب اللي بناها من ضميره = لابغى صعــــب القوافي ساوقله

**معلومات** **العضو** · 08-04-2009, 07:50 PM

لاهنت ياحفيد الامراء على نقل القصيده الجزله

وصح لسان الشاعر سعد الخضران ويستاهلون المدح وأكثر العجالين

تقبل تحياتي,,

**معلومات** **العضو** · 08-04-2009, 07:56 PM

اخوي حفيد الامراء لاهنت على نقل القصيده الجزله الله يعطيك العافيه

وصح الله السان الشاعر /سعد الخضران

ويستاهلون المدح الممدوحين

وهم كفووووووو له

تحياااااااااااااااااااتي

**معلومات** **العضو** · 09-04-2009, 12:15 AM

اررررررررررررررررررررحب يا حفيد الامراء

و يستاهلون العجالين وشيوخها

وصح اللسان بن سويحل الخضران

ونعم بـ آل الحسن اهل الطايلة

من أول وتالي

اخوك / ابو زيد

**معلومات** **العضو** · 09-04-2009, 09:17 PM

الاخوة الأعزاء

فيصل الشكري

ابو بدر المصارير

ابو زيد الغييثي

شاكر لكم

على هذا المرور العطر

والذي عطر المشاركه

والبسها جمالاً ونورا

ونثر عليها زهراً يفوح شذاه دوام الأيام

وماعليكم زود

والسلام

**معلومات** **العضو** · 16-04-2009, 04:38 PM

صح لسان الشاعر سعد بن سالم الخضران وقبيلة العجالين تستاهل العلوم الطيبه
ولاهنت ياحفيد الامراء على ماقدمت وبيض الله وجهك

**معلومات** **العضو** · 17-04-2009, 06:06 PM

الأخ العزيز:محمد الولامين

شاكر لك

على هذا المرور العطر

والذي عطر المشاركه

والبسها جمالاً ونورا

ونثر عليها زهراً يفوح شذاه دوام الأيام

وماعليك زود

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية