الصبر فاض وهاض مغتاض واهتاض

[معلومات العضو نادر الناهشي]

اخواني اعضاء منتدى قبيلة الدواسر هذه القصيدة الحاقا بالقصائد التي مضت وسبق طرحها في هذا المنتدى للشاعر نادر الناهشي.
والذي اشار علي بالدخول بمعرفه مجددا واشكره على هذه الثقة التي ليست بمستغربة عليه ,وهو اقل مانفعله له ومايزال خلف قضبان السجن نسأل الله فك كربته وتسهيل امره.
وهذه القصيدة ثالث قصائده في السجن.

الصبر فاض وهاض مغتاض واهتاض=مقياضي غرسي فات ماذقت قيضه
اثر الوفا فيه الرجاجيل تعتاض=هم القلوب اللي برى الحال غيضه
مابين نسيان وشيمة وغماض=حديث في جالن ونا ارضي عريضة
وقت غدى رجعه رشاش وتبياض=والناس مرضى والمراعي حضيضة
سحاب ياللي في سما ناضري ناض =قفى وبرقه مابقى اللا وميضه
الشاص في دربه صباخي ورباض=ولامن عطى الوادي يرده مفيضه
قلب الشقى احلامه صعيبات واعراض=والدرب طول والحواسد مريضه
دنياي حبلى مابقى غير لجهاض=يعرف مقاديم الحيا من بريضه
ياساريه ياساريه يابن عرباض=الليل طال وشمس بقعا نقيضه
وقت الردى مافاد به طيب واعراض=وما فاد طيب في النفوس البغيضه
يامجدنا الحاضر ويامجدنا الماض=مجد العرب مابين غضه غضيضه
قالوا الفجر ريض وحتيش لاراض=والقصر مايبنيه باقي قضيضه
وترى اللبن مايستوي دون خضاض=والنفل مايقبل بليا فريضة
العلم له ناقد وعارف ونقاض=اسم العرب ناصر وصالح وعيضه
يقوله اللي مامتهن شذب الاعراض=وماشال حقدن بالخطوط العريضة

 

 

 

 

[معلومات العضو راشد المسعري]

نادر الناهشي

صح لسانك ولسان الناقل للقصيدة بيض الله وجهه على هذا الجسر الذي ربطنا بشاعرنا نادر الناهشي أسأل الله أن يفرج كربته وأن يرجعه لأولاده ومحبيه في أسرع وقت.

صح لسانك يانادر على هذه القصيدة الجزلة والصعبة في قافيتها والتي هي فن يجيده بكل تمكن نادر الناهشي.

مرة أخرى صح لسانك وفك الله عوقك ،والشكر موصول لناقل القصيدة بيض الله وجهه وتقبل ودي وتقديري ،،،

 

 

 

 

[معلومات العضو مبارك الخييلي]

صح ألسانه


وجعل يمينك سالمة


وبيض اللله وجهك على النقل



والله يفك قربته



سلمت يمينك مره أخرى


تقبل شكري والتقدير

 

 

 

 

[معلومات العضو الزين]

وقت الردى مافاد به طيب واعـراض=وما فاد طيب في النفـوس البغيضـه

صح لسان الشاعر والله يفك عوقه ويردهـ لأهله قريب ان شاء الله

 

 

 

 

[معلومات العضو مسلم مطلق ال عمار]

صح لسان الشاعر وسلمت يمينك على النقل

 

 

 

 

[معلومات العضو ابو فهد الغييثي]

صح السانك والسان الشاعر وسلمت يمينك على النقل الرائع

 

 

 

 

[معلومات العضو شافي القويسي المخاريم]

صح لسان الشاعر نادر بن محمد ال ناهش

و لاهنت يا الناقل


و الله يفرج عنه و يرجع لمحبينه سالم غانم



تحياااااااااااتي

 

 

 

 

[معلومات العضو نادر الناهشي]

نيابة عن الاستاذ نادر اشكر من قام بالرد على الموضوع ولكم جزيل الشكر

 

 

 

 

[معلومات العضو نواف الرجباني]

صــــــــــح اللسان الشاعر الكبير نادر الناهشيء

والله يعطيه العافيه على القصيده الجزله

وما يطلع منه الا الجزل

تقبل تحياتي واحترامي

 

 

 

 

[معلومات العضو محمد الولامين]

الله يفرج كربته يارب ويعتق رقبته ويفك اسره ويرده لأهله واولاده سالم غانم يارب

صح لسان الشاعر نادري الناهشي


ولا هنت يالذيب على طرح القصيده


تقبل تحياتي

 

 

 

 

[معلومات العضو مبارك بن محيا الدوسري]

صح لسانك يا نادر

و الله يردك سالم غانم لأهلك و محبيك


جزلة من جزل متمكن


ولا هان الناقل


تحياتي