خيـّـل الحرشـا وصوت ً يشيب بالغرير

[معلومات العضو آهــآآآآتــ]

السلام عليكم ورحمة الله وبركاته



اسعد الله مساكم بكل خير



عندي طلب لا هنتـوا


وهي قصيدة سمعتهـا مبطـي ودورت عليها وما لقيتها


ومالي الا الله ثم انتـوا يا بنـي عمـي


مانيب حافظهـا ... بس فيها بيت يقول

خيـّـل الحرشـا وصوت ً يشيـب بالغريـرأرس يا قلب  المعنـا  ووقـف  يا  شعـر

بغيت القصيدة بالصوت اذا ما به كـلافـه


ومن هي عـزوتـه (( خيـالـة الحرشا )) ؟


لأنـي قد سمعتها بس ما ادري من هي لـه !


اخوكم آهــآآآآتــ

 

 

 

 

[معلومات العضو ابو زيد الغييثي]

الاخ / اهات

هذه الابيات هي لسالم بن جخير العجمي ويعتزي آل شامر من العجمان بالحرشا ايضا ً

وهو ليس دوسري

والذين يتعزون بخيالة الحرشا من الدواسر هم

كل من ينتسب إلى آل الحسن بن صهيّب بن زايد

وهم ( آل عمـار / الشكرة / الفرجان )

ويصيح الفارس منهم

(( خيل الحرشا ابن محسون ))

وقال شاعر آل الحسن بن صهيب مسعود المقيبلي :

(آلاد حسن)  مطوعة  كل  عايل( خيالة الحرشا ) سعدها  حجابها

يجونك اهل الرمح  واهل  العوايدستر الهنوف اللي زهاها  خضابها

يجيك غوش سايقه رايح  السطرلا جاء نهار الكون  تروي  حرابها

أهل   بيوت    مايروع    قصيرهاومن ضامته سود الليالي التوابها

آلاد  حسن   متعبة   كل   سابقورّادة    الهيجا    نهار    اشتبابها

لا  جو  بيضان  الوجيه   وتلاحقواوكل ٍ يقول الصعب عندي وانابها

أخوكـ / ابو زيد الغييثي

 

 

 

 

[معلومات العضو آهــآآآآتــ]

أبـو زيـد الغيـيـثـي


ما شاء الله عليك مرجــع


لاهنــت طال عمـرك ... لكـن هل سمعـت بالقصبدة اللي فيهـا البيت اللي ذكرت ؟



لأنـي بحثـت عنها وما لقيتهـا في النت


ان شاء الله يفيدني احد الأعضاء


لا هنـت يـا بن عمــي

 

 

 

 

[معلومات العضو ابو زيد الغييثي]

جزاك الله خير على كلامك الطيب ولاهان راسك يالقرم

وهذي هي الابيات :

يالله   انـك   تستـر   الحـال   وتـعـز   الفقـيـريامعين  الصابر   اللـي   علـى   الشـده   صبـر

يامغيـث   المستغيـث    ومجيـر    المستجـيـرمـن  عذابـك   مالنـا   لا   مـكـان   ولا   مـفـر

جعل  تسقى  قبور  الاجـداد   بالوبـل   الغزيـروتصبح  القيعان  من  حولهـا   عشـب   وزهـر

يـوم  كـان   النـاس   للنـاس   والدنيـا   بخيـروالبـدو   منهاجهـم    غيـر    منهـاج    الحضـر

ويوم  كانـت  شبـت   النـار   فالثلـث   الأخيـروالدلال   الصفـر   والنجـر   وبيـوت    الشعـر

ياوجودي  وجد  شيخن  قضـى  عمـره  كسيـرلابـرى   جرحـه   وكسـره   جبـر    ولا    جبـر

كان  قايد  جيش  والموت  لامـن  جـا  يغيـر  .ايتحـزم     للثـنـادي     وضـربـه      فالـصـدر

لين  جاته  ضربة  الغـدر  مـن   كـف   الحقيـرسـود   الله   وجـه   راع   الخيـانـه    والـغـدر

وين  ابلقى  لي  رفيقـن  علـى  الشـده  نصيـرلا   نخيته   صـار   زبـده   مثـل   زبـد    البحـر

لاتعـزوى   سـل   سيفـه    وطلـوح    بالجفيـروقال  وين  ؟  وقلـت  لعيـون   بـراق   النحـر

راكب الـي كـن  جنحانهـا  جنحـان  ط¸â‚¬يـركنهـا   حـرن   تعلـى   عـن   القـاع    وشـهـر

اسبق من الصوت وامضى من السيف الشطيراسبق  من  السمع  وابعد  مـن  حـدود  النظـر

واثقل امنط¸â‚¬ويق واخف من حـب الشعيـرواللطف امن الورد واقسى شوي  من  الصخر

شوفها  غير  ..  وركوبن  على  الكشنات  غيـرولا  بغيت  الجـد  كنـك   تمشـى   فـي   قصـر

ليت  عبـاس  ال  فرنـاس   شاهدهـا   عصيـركـان   ماخاطـر   بنفسـه   وحـاول    وانتـحـر

كلهـا    هيبـه    وعــزه    وتطـمـح     للأمـيـرماتجـي  عنـد   الخرافـي   ولا   عنـد   الصقـر

لا  استدارت  كـن  ذا   الكـون   كلـه   يستديـرولا  استقامت  تسحر  عيـون  وقلـوب  البشـر

ولا  اعلن  الكبتـن  وقـال  استعـدوا   للمطيـرشلعت  في  رمشـة   العيـن   وبلمـح   البصـر

من  ديـار   العـز   والطيـب   والخيـر   الكثيـرانطلقنا  مـن  الكويـت   وهبطنـا   فـي   قطـر

جيت  من  واقع  محبه  ومـن  قلـب  وضميـرلجل   عيـن   اللـي   غلاهـا   تمكـن   واستقـر

فـي   شرايينـي   وقلبـي   وفكـري   والنظيـركـل   ماطولـت   عنهـا   يجـي   دمـي   فـقـر

واتفقنـا     فالمحـبـه     وتقـريـر      المصـيـرواختلفنا  فـي  المبـادي   و   وجهـات   النظـر

ماهقيـت  ان   المحبـه   تبـي   دهنـات   سيـرلين قالت "  ويش  ابـي  فيـك  ياوجـه  الفقـر

كان تبغيني علـىط¸â‚¬ـول يـا  سالـم  جخيـرلا   تعـزوى   بالعـذارى    وحسكـات    الـوبـر

((  خيـلا  الحرشـا  ))بصوتـن  يشيـب  بالغريـرارس   ياقلـب   المعنـى    ووقــف    ياشـعـر

واهنـي  الـي   مـن   الحـب   قلبـه   مستخيـرما اشتعل قلبه من  الحب  ليـن  اصبـح  جمـر

والمحبـه  تشعـل   القلـب   نبضـات   وسعيـركلهـا   حـزن    ومعانـاه    واشـواق    وسـهـر

والمحبه  كنها   الحـزن   فـي   وجـه   الأسيـرلاقضى   صبره   ودمعـه   علـى   خـده   حـدر

والمحبـه   كنهـا   العلـم   فـي   وجـه   النذيـرلا  ارتفع   صوتـه   ودقـت   مزاميـر   الخطـر

المحبه  حمل  والحمـل   فـي   ظهـر   البعيـروالبعيـر   شعيـل   ياامـا   رغـى    ولا    هــدر

والمجـرب   فـي   المحبـه    يسمونـه    خبيـريستشيرونـه    ويعطـي    مواعـيـظ     وعـبـر

وان  ذكرت  العلم  الأول  بقى  العلـم  الأخيـرحالفن ممشي ورى  النفس  والقلـب  الخضـر

وعذرنا على التأخير لانني كنت مشغولا ً البارحه فل ادخل الا اليوم

أخوكـ / ابو زيد

 

 

 

 

[معلومات العضو بدر بن صقر العجالين]

(( خيل البويضا ابن غياث ))

مشكوور ولاهنت أخوي الغالي

( أبوزيد الغييثي )

على إيضاح اللبس للعضو آهات ..

وأنت مؤرخنا ما يحتاج يا ابن غيااث..

بيض الله وجهك..

وتقبل تحياتي،،

 

 

 

 

[معلومات العضو آهــآآآآتــ]

ابو زيد الغييثي


بيض الله وجهك يالقرم ... عز الله انك ما قصرت ورايتك بيضا جعلها تبطي سنينك على طاعة الرحمن

 

 

 

 

[معلومات العضو ابو زيد الغييثي]

المشاركة الأصلية كتبت بواسطة بدر بن صقر العجالين

(( خيل البويضا ابن غياث ))

مشكوور ولاهنت أخوي الغالي

( أبوزيد الغييثي )

على إيضاح اللبس للعضو آهات ..

وأنت مؤرخنا ما يحتاج يا ابن غيااث..

بيض الله وجهك..

وتقبل تحياتي،،

بو صــقر لا هان راسك على كلامك الطيب

وهذا هو واجب على كل من لديه علم ان لايخفيه

فكيف بسؤال عن شيئ قد لايخفى عن الكثير وهي

هذا العزوة التي ان سمعها المعتدي ترك كسبه طالبا ً السلامه

( خيالة الحرشا ) ، انها احدى صيحات الحرب التي ( تشوش الراس )

أما كلمة ( وأنت مؤرخنا ) فهي كبيره علي ّ ولا استطيع حملها بل

هناك من هم أولى بها مني

أخوكـ / ابو زيد

 

 

 

 

[معلومات العضو ابو زيد الغييثي]

المشاركة الأصلية كتبت بواسطة آهــآآآآتــ

ابو زيد الغييثي


بيض الله وجهك يالقرم ... عز الله انك ما قصرت ورايتك بيضا جعلها تبطي سنينك على طاعة الرحمن

وجهكـ ابيض

وجعلك سالم على كلامك الطيب

أخوكـ / ابو زيد