قصيدة تركي بن حميد امير برقا عتيبه ورد ابن هادي امير قحطان

**معلومات** **العضو** · 30-04-2005, 08:54 AM

بيت الكل يذكره

قول ابن هادي رحمه الله

من شافنا بالحلم يقعد من النوم....ومن شافنا بالعلم بطنه يهله

............من اجمل القصايد

يقول فارس عتيبه واميرها تركي بن حميد

يــازبــن كــرّب فوق مايطرد النــوم ......=......... حـــــرايــــر(ن) يازبــــن مثل الاهـــلّـه
مـرباعهم مابين ظـلم(ن) والاكمـوم ........=....... ومن الســــــفايف يرمحــنّ الأظـــــلـة
ملــفاك شيخ(ن) بالقسا يذبح الكـوم .......=........ شــــيخ(ن) وشيــــــخان القبايل تدلـّـه
تلـــقى محـمد زبن من كان مضـيوم ......=......... زبـــن الذليل اللي مخيف(ن) محـــــلّه
والــــيا لفيت الشيخ يازبن ملــــزوم .......=........ تعــــطيه مرسوم(ن) بوسـطه سجـــلّه
وان كان جيت النضو يازبن ماسـوم .......=........ رد الخــــــبر والنــضــو يازبـن خــــلّه
جــانــا من الشايب مكاتيب وعـلــوم .......=........ حيّ الكـــتاب اللي لفا حشــــمة(ن) له
الشـــــايب اللي ينقل الكبر والــــزوم ......=......... باغـــي لحكمي مير انا عاصي(ن) له
الله يغشـــــّـك يوم غشّــــيتـنـا اليــوم ......=......... تقـــرا الكـــتاب ولا تهـــــاب المظلـّــه
جــزاك من عندي من الخيل حـثلــوم .......=........ مـــثـل الــبـرد مـن مزنة(ن) مستهلّـة
إن كان تذكر سابق(ن) لك من الـيوم .......=........ فـــرس عــتـيـبـي ورد شـاهد(ن) لــه
أنـــا بــرمحي باول الخــيل ملـــحـــوم .......=........ والا انت رمـحـــك عند سارة تـشـلّــه
أديت انا اربع قحص والخامس التـوم .......=........ بــقــعــود زبـــن اللي بغا ما حصل له
لا والله اللــــي روحــوا ربعـنا قـــــوم .......=........ تـنــــافـضـــت من بـيـنـهـم بالأجـــلّــة
والحـرب شب وشبشبة كل شغـمـــوم .......=........ من اشتبه مخ الفرنجي عصا(ن) لــه
إعرف ترى من طاح ماهوب مرحـوم ........=....... ياكـــود من رب الملا شافع(ن) لــــه
شــــــافي وجرمان غدوا باول القتـوم ........=....... خــلــوا مطـّوعهم وانا شاهد(ن) لــه
خـــلوا مطوعهم على غوجة الـتــــوم ........=....... عـــزّي لمن حطّ الردي مسند(ن) لـه
وانتم كما حوت(ن) على الشط لاهـوم .......=........ وحـــنـا خـلـــقـنـا للــواهــيم عــلــــة
وانتم كما ضلع(ن) طويل(ن) ومزموم ........=....... وحــــنــا خــلـقـنا الله نجوم(ن) تهله
وأنتــم كما طير البحر ذاك ابا الحـــوم ........=....... وطـــيـر الـبـحـر مايذبحه غير ظـلـّـه

رد ابن هادي :

حــيّ الكتاب اللي من الزاج مرشـــــوم .........=...... حـيّه وحيّ اللي مشــى حشــمة(ن) لـــه
ســــاعـة قريته شفت ماعفت مرســوم ......=......... ردّ النقـــــــــا تركي وهو مــنــحي(ن) له
يـا ســـابـقــي غاشــن عتيبه منك لــوم ......=......... مــثــل الـربيـــع اليا غشى نجــــد كــلـــه
كــــدّي عـلـى العتبان خمسة عشر يوم ......=......... قعــــدان والجمّــال بـيـتــي هـــل(ن) لــه
أطلب عسى نجد(ن) من الوسم ماسوم ......=......... حــــتـى تـقــرّب حــلّــة(ن) صوب حـلّـــة
وان كـــان رمحك بأول الخيل ملــحـوم .....=.......... فـــــانــــا بـــرمحي حامي(ن) نجد كــلّــه
مــن شــافـنــا بالحــلـم يقعد من الـنوم ........=....... ومـــن شـــافـنــا بــالــعـلـم بطنه يـهــلـّـه
عـــدونــا لــو جــض فلا هوب ملــيوم .......=........ واللـــــي وراه يجضّ من جضة(ن) لــــه
حــربك الـــيا جانا نقلـــناه بســـــــهوم ........=....... وتـــــر حربنا لا جاك ما حــتـــــلت شلـّـه
وان كـان تطري النجم فالنجم مفــقوم ......=......... والنـــجم يدوي والجــبل راســي(ن) لـــه
مــانشـــــتحن للحرب والحرب مفهوم ........=....... ويا سعد مــن حـن باللقـــا فزعة(ن) لـه
مــاخــلـقـت الـدنـيـا ولا الناس في يوم .......=........ واللــي تــمــنّــى حربنا مضحّـي(ن) لــه
وان كــان فـي نفسه فلاهوب ملـيــوم ........=....... نــعـــم الشــــوارب وافــي الشــبر كـلـه
مــتـــوســـط(ن) مابـيـن عتبان وبقوم ........=....... والله عــــلــم فــي دقّ ســلــكـه وجـلـّـه

**معلومات** **العضو** · 30-04-2005, 11:47 AM

لاهنت يابن مشخص على نقل هذه المساجله الشهيرة بين شيخين معروفين

تقبل تحياتي،،

**معلومات** **العضو** · 04-05-2005, 02:38 AM

ارررررررحب يا بن مشخص

وافي طال عمرك

و الله يرحم الشيخان و يسكنهم فسيح جناته

لاهنت يالقرم

تقبل تحياتي

**معلومات** **العضو** · 03-12-2006, 07:29 PM

بن مشخص

الله لا يهينك ويبيض وجهك
على نقل هذه المشاجله الشهيرة بين علمين من اعلام الجزيرة العربية (( رحمهم الله ))

تحياتي-

**معلومات** **العضو** · 05-12-2006, 10:13 AM

لاهنت يابن مشخص على نقل هذه المساجله الشهيرة

بين شيخين معروفين وكبيرين رحمهم الله برحمته

تقبل تحياتي،،

**معلومات** **العضو** · 05-12-2006, 10:24 AM


	لا هنت على ذا النقل نفداك

**معلومات** **العضو** · 23-01-2007, 08:39 PM

صح الله نقلكــ ،،

ولاهنت طال عمركـ على هالمساجلة الشعرية

وتركي بن حميد واحد من أشهر شعراء شبه الجزيرة العربية التي لا تفخر به قبيلته ((عتيبه )) بل فخر لنا كلنا ..

تحيتي

اخوكمـ

مايكبرنيـ لقبـ

**معلومات** **العضو** · 08-02-2007, 10:38 PM

بارك الله فيك يامشخص

وياليت نسمع من قصائدك اذا امكن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الوجيه برّاك بن هادي الحضيري المشاوية وأبنائه يحتفلون بزفاف إبنهم المهندس حسين بن هادي الحضيري المشاوية (صور خاصة وحصريّة)	الإداره	:: قسم اللقــاءات والفعاليات والتغطيات الخاصة::	15	10-02-2011 06:53 PM
التغطية المصوّرة (الحصريّة) لزيارة صاحب السمو الملكي الأمير تركي بن طلال بن عبدالعزيز آل سعود لـ الشيخ محمد بن مرّان بن قويد	الإداره	:: قسم اللقــاءات والفعاليات والتغطيات الخاصة::	31	23-06-2010 05:25 AM

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية