هذه القصيده قالها السيد/ عيسى بن محمد الرميحي من سكان البحرين
عندما هاجر الدواسر من مدينة البديع بالبحرين الى الدمام بالسعودية
قال بها:-
جرى مدمعي من مقلة العين سايل=ودارت دواليب الفكر بالمثايل
وافضيت انا من قاصي القلب ما زهى=قيل ولاني فيه بالعون عايل
يا لـلـه يالــمـطــلوب يا والــي الامــر=طالبك ياراعي العطا والفضايل
تفرج لمن قلبه غدا الهم دونه=همٍ ثقيلٍ ماحدٍ له شايل
اشوف في هالوقت دنيا تغيرت=صكت على الاجواد تنشل شلايل
دنيا كفانا الله سوها لو تزخرفت=لابد ياتي درب العدل مايل
ويلاه من عصر مضى من قديم=راعي الحكم عيسى وحنا له قبايل
الكل منا مستريح وهاجع=ولاعرفنا الباس وش قايل
واليوم ياحكم الانجليز علينا=نطلب من الله ما الحكمه طوايل
اهل العهد ما صدقوا في اقوالهم=خلو عهدهم والعهد له دلايل
بالعز يا ربع من الذل عانو=خلوا منازلهم قصور طوايل
خلو منازلهم على جال سيف=ماهمهم بنيانهم والنخايل
مدورين المدح والله عانهم=ويستاهلون المدح بين القبايل
ساروا لديرة راعي المجد والثنا=عبدالعزيز اللي من آل وايل
شيخ مشت له كل الاقطار=غصب بامر الله راعي الفضايل
من ساحل عمان الى حد رنيه=ونجد تلاها قصاير وحايل
ومن عقبها الطايف ومكه ولاها=وجده دخلها بامر منشي المخايل
مع لابةٍ في طاعة الله جاهدوا=اهل الافرنج ومرصفات السجايل
ايضا وياركب على الاكوار زمر=هجنِ هجاهيج خيار اصايل
فج النحور وبالتواصيف كانهم=مثل القطا طاروا ليا القيض حايل
انصوا بلادٍ قديم غدا لها=وهي البديع دار درب النعايل
ابن حسن الله يجازيه رحمة=والله بقوا حاشوا درب المراجل
ودنوا لكل ما يطري البال سيرة=ماشور سير وخطفوا برسايل
ونصوا اهل الدمام لاشطروهم=زبن مخيف وملتقى كل عايل
عدوا سلامي لابن شاهين واحمد=فروخ الاحرار الي تيد الفصايل
وثنوا للي يكرم الضيف لا لفى=ابو مهنا لافته المنايل
وثنوا سلامي صوب شخص اوده=ابن بطي سلمان زين الخصايل
يستاهلون المدح بالعون كلهم=افعالهم ما تنسى والجمايل
وصلاة ربي عد ما طاف طايف=وعدد ما غنى حمام الرسايل
المقصودين بالابيات:-
ابن حسن / الشيخ عبداله بن حسن ال حسن الدوسري
احمد / الشيخ احمد بن عبدالله بن حسن الحسن الدوسري
شاهين / الشيخ شاهين بن خميس البنوادي الدوسري
ابو مهنا / من الدموخ المهنا بالدمام
ابن بطي سلمان من المانع بالدمام
وشكراً
اخوكم / ^ الدوسري^