[معلومات العضو صالح الجعيدي]

السلام عليكم ورحمة الله وبركاته،،،
قصيدة في غاية الجزالة لا أعرف من قائلها،، أحببت أن أنقلها لكم عسى أن تنال اعجابكم:

انا اشهد ان العرف عرف المزكين=اهل المعاني والعلوم الفليحة
عسرات ايامك او انه على اللين=تاتيك جمعات العلوم المليحة
ياوين اباالقى هاالقروم المسمين=تاتي سواياهم لقلبي تريحة
خطو الولد يكذح على شينك الزين=بافعول طب القلب تشفي جريحة
بفعول لعلوم المراجل نياشين=اما الردى باقصى مكان طريحة
يقصاه لين انه تشطر ورا الصين=تصفي علومه ثم يطربك ريحة
يفز قلبي يوم طاريه ياتين=كني بدوحات الجنان الفسيحة
ارتاح لامنه اخذ تقل يعطين=وانا ان مدحته طب قلبي مديحة
وهو بعد وان كان ماهوب يرجين=نفسه لفعل الطيب ماهي شحيحة
حلو عسل صافي على شوفة العين=الذ من صافي قراحات سيحة
0000000000000000000000=0000000000000000000000
وخطو الولد انتاج مشروع تسمين=تسمين ثيران ثغاها فحيحة
يكذح على فعلاتك الزينة الشين=حليب عنز بار وسط الصفيحة
متدله عن زين الافعال بامرين=هجيج وايضاله علوم قبيحة
اعطيه فعل الخير بالضد يجزين=اسكت لخملاته تجين الفضيحة
يكب معروفك على ربرب الطين=تقل يبيك تصير عنده منيحة
الظاهر ان النسل نسل الشياطين=حتى تسمي لاذبحت الذبيحة
عرفه مضرة واحذروا للبزارين=جرح تدلى من علابيك قيحة
معذور انا لو قلت مابيه ياتين=يارب نفس تالفه لاتبيحة
وانا ولو قلت افهموا يافطينين=اخاف ثقل الغرب يقطع سريحة
اوجه الشارة لربع فهيمين=والا الزلايب ماتفيد النصيحة
من يفرق العوشز عن الموز والتين=وهنا شجر ماتاخذ مْنَهْ بطيحة
واحسب حسابك لاتجيني بعد حين=تقول : انا زليت أوي طيحة
هل المعرْفه من قديمٍ قليلين=ناس تعرف العي وايضا فصيحة

وسلامتكم جميعاً،،، وتقبلوا خالص تحياتي.