بسم الله الرحمن الرحيم
السلام عليكم ورحمة الله وبركاته
الاخوان الاعزاء
اضع بين ايديكم هذى المتواضعه وارجو من الله ان تنال استحسانكم
وهي مهداه لـ الشيخ: تركي بن مران بن متعب ابن قويد (( حفظه الله))
وحقيقه إنا مهما قلنا في ابو خالد فلن نوفيه حقه..
قال منهو يصخر بيوت المثايل=وان بغا عسف المثايل ماعصنه
هاجسي فالمعرفه عنده دلايل=وان بغا صوغ المثايل طاوعنه
طاوعنه في مديح اهل الجمايل=الشيوخ الي لهم سنه وعنه
مثل ابو مران شيال الثقايل=الاميرالي المدايح ماغونه
تركي اليا قلت زيزوم الاوايل=ماكذبت ومنطقي مافيه ظنه
تركي الي نعتزيبه فالصمايل=والمراجل منه وابعزاهتونه
هو ابن مران محمود الخصايل=شيخ شمل الدوسري من دون منه
شيخته ماجاتله حيل او محايل= جاتله بسيوف هنداً مستسنه
يوم زرق الرمح و رهاف السلايل=ويوم ركب الجيش واملاوا الأعنه
تشهد الريشه و بفعالن جلايل=وتشهد ارض المعتلا والصدق سنه
ومثل يومن صار في (واره)شعايل=كم شجاعن خيلهم طاح اوطنه
ذا قليلن من فعول اهل الفعايل=طاب ذكره والليالي ورخنه
بصفحتن تجلا عن الكبد الغلايل=ابفعلن ابيض والليالي مامحنه
ايتجدد عز في كل الوسايل=بيت عزاً في يدينن ثبتنه
ذا كلامن معتبر و الشك زايل=بس اعبر عن شعوراً مستكنه
عن (جميله) قلتها والراس طايل=عزوتي تقديرها فالقلب اكنه
عزوتي لاعدو رجال الحمايل=والوفا مقضب يديني واقضبنه
والتحيه عد همال المخايل=من حكيمن منهج لهل العرف فنه
وسلامتكم
اخوكم/ محمد بن ناصر ابن هديهد الغريري