السلام عليكم ورحمة الله وبركاته
استلم يالسنافي واسمح لى على القصور
مرحبا فى نجد واللى سكنها بيـــــــــت بيت=لجل عامر قامت واقف واعظم فالســــــلام
ابن عم الطيب والطيب حازه كنبليــــــــــت=الفخر والعز والجود تلبسها حــــــــــــــزام
يالنتيفي صبت الاهداف يومنك رميـــــــــت=رميتن من قوها كسرت كل العـــــــــــظام
ياحصنن فالمواقف وثبت ولا كبيــــــــــــت=ماتجى بخلاف دام ووضعك فالامــــــــــام
فوق شامخ قصرها فالقوافي واعتــــــليت=يشهد الله وانت وضعك على الجزله سنام
استوت لك وانت من فوق شامخها استويت=غير هذا يالنتيفي ملجمها اللجـــــــــــــــام
ياهجوس الشعر يومك على بالى لفيــــت=كزك الشاعر بقافه على البدر التمــــــــــام
من هنا؟ والناس تشهد ولا عمرى اقتفيت=شاعرن واعرف حلالى ولا جيت الحــــرام
الشعر حبك وسبك فى قطاته وامتطيت=والبيوت اوفود صلت وانا صرت الامــــــام
ماشحذنا فكرة افلان لاحين وميـــــــــت=من سطر فكره جديده تنور فالضـــــــلام
يوم شفت الملهمه للقصيده واعتـــــزيت=جيت كلى لجل اخطب الوسيمه للمهام
المهام كثار لو كلفت لجلك غزيـــــــــــت=والله انى لقهر الند وارد الخصـــــــــــام
انتقد والنقد بناء راوى وارتويـــــــــــــت=من مناهيل المعرفه جديدات وقـــــــدام
افهم المضمون شاعر ومن عامر خذيت=توسعه تبنا على سطح شعار الهيــــام
هى سراج الفكر تئبا وانا لا ما ابيــــــــت=كيف بئبا والجواهر تصنف خام خــــــــام
مير اصاحب من يصاحب ولخصامى عديت=عقب اللى فالمواقف يحب الاعتـــــــصام
من هنا؟ نقطة بدايه وفى سيلي طميت=كل وادى والبواقي ورى ضهرى حطـــام
ياابن عمى من شعورى ومن خصمى عفيت=لجل يمشي مركب الخير فى وسط الزحام
ما اجامل مير بنغز على بنص الونيـــــــــت=لين يكفخ فالمعزه وطير العز حـــــــــــام
شعر وشعور وحداثه ولا نمت وغـــــــفيت=عالمن وردى بلا احساس من شرقن وشام
اعرف اهل الفبركه فاللقا يوم اهتــــــــديت=عند نبراس المعرفه وحد الالتـــــــــــزام
النبط ماضي طريقه وفى دربه مضيـــت=والمنابر ترفع الجل ويطيح الرمــــــــــــام
والمحك ايحك فالسبت ولا فالسبـــــيت=فرقها فالحر الاشقر وفى طبع النعــــام
قافيه واوزان وافكار ماتخلط بزيــــــــــت=خلطها معنا مشرف يجى حـــــب وؤام
ماتجيب قصور واسمح ليامنى خطيت=فى خلافك لاتلفت وناظر للامــــــــام
صح فاهك فالنهايه وللجزله بـــقيت=غير هذا كل حاجه على ما لايـــــرام
وسلامتك ومن يقرا
تقبل
تحياتى