من عامر النتيفات الى بدر بن نايف
يابدر من نجد جاتك بيوتي في الكويت = عبر الأنترنت تحمل لكم قدر وسلام
وانت شاعر لك مكانه ومن شعرك قريت= عبقرية شاعر يستحق اعلى وسام
قلتها ماقلتها مقصدي حاجة وصيت = حق وابديته لرجل عريب من كرام
وما نجامل في الشعر لاولا بعت وشريت = نقدح بيوته من الراس في اللازم شمام
والشعر عندي شعور متى ماجاء بنيت = قاف محكم من هجوس عن الهزلات شام
مالهزل لهزل الهرج سوق ليا قلت انتقيت = الجزال من المعاني وذا نهجي دوام
احسب حساب العرب في قصيدي لانويت = ان هرجت اختار في القول مثمون الكلام
بعد هذا باح سدي وللطيب شكيت = بدر بن نايف وشرواه عليين المقام
الشعر وضعه تدنى وانا منه اشتقيت = صار تالي الوقت سلعه رخيصه للانام
شقوتيمن زود قدر الشعر وايضا بغيت = انتدارس حالته مع هل العرف الفهام
كل شخص قال انا شاعر وان حط بيت = شخص وصور عطاه المحرر باهتمام
من يتابع ساحة الشعر شاف اللي رأيت = صورة الشاعر جميله وقافيته عدام
والرجال بلا صور تنعرف قلت وحكيت = في قصيده سابقه لكن العالم نيام
الشعر صابه شلل يابدر ياليت ليت = للشعر عدة شروط وله باب ونظام
تلزم الشاعر ومن لاتجاوزها يبيت= يهتني بالنوم ويجنب الناس السقام
مانعم الناس بالقول كم قاف لقيت = يشفي المجروح لوكانت جروحه جسام
والعدود الصافيه جنبت واليا دريت = عن سبب تجنيبها قل على الشعر السلام
المجلات اكثرت باتكلم لوقسيت = المصالح والمصافيط فيها يالحشام
والبقيه والتفاصيل عندي لافضيت = صغتها في قاف وقعه كما وقع الحسام
والعذر في النقص منكم يابو نايف رجيت = والوضع محتاج وقفه وتسلم في الختام