::: مـنتدى قبيلـة الـدواسـر الـرسمي ::: - عرض مشاركة واحدة - همَســ ـ ـ ـ ـ ـ ـاااات
عرض مشاركة واحدة
قديم 17-01-2006, 08:16 PM   #1
 
إحصائية العضو







عبدالله الدوسري غير متصل

عبدالله الدوسري is on a distinguished road


افتراضي همَســ ـ ـ ـ ـ ـ ـاااات

مشتاق لك و الوجد بنّى خيامه=في ضامري و أسقاني البعد كاسات
لا قمت ما شفتك تقوم القيامه=و لا جيت بأرقد تمتحنّي دراسات
ما غير اهوجس و الخلايق نيامه=اصبح و كنّي طايحٍ في المواسات
يا صاحبي يا ما ندهتك و يامه=ما شفت طرّاف المعاليق يبْسات
عزّي لمن مثلي تزايد هيامه=أنا أشهد إن بعض المواقف إمحسّات
يا ونّتي ما بين شامه و يامه=ونّة سجينٍ زوّدوا له حراسات
ذبحه تقرّر يا صلاته صيامه=عيّا غريمه يلتفت له نحاسات!
يا صاحبي مغليك ورْدن حيامه=عِلِّه من عيونٍ وساعٍ و نعسات
حرااام !يا وشّْ ينفعك من إضيامه=ناوي تجرّب به جميع المقاسات
إن كان باقي في ضميرك شيامه=إلحق على اللي حاجته منك همسات

 

 

 

 

 

 

التوقيع

قلته و انا ربعي طريّين الأفعال=من لاد تُغلب مضعِفين الحْلالي
أهل رْباعٍ للمناعير مدهال=كرمان في شحشاح عسْر الّليالي
لا جاو اهل عوص النّضا بأشهَب الّال=تسابقوهم بالعزايم عيالي
و عاداتهم لا جاء الّلقا كسْب الأنفال=و كم واحدً في سِرْب ربعي يِشالي
هل سربةٍ يفرح بها المغرق الذّال=لا حلّ بأقطار السّبايا جْفالي
كم واحدٍ نجعل على كبده املال=عقب الشّرَه يتبع طريق السّهالي

dossasd@hotmail.com

    

رد مع اقتباس