[معلومات العضو وسام العصا]

المشاعر جامحه والشوق صايل=للرفيق اللي يسوق الطيب ليه
انت مثل المزن بعيوني اخايل=لا تهل ولا مسكتك في يديه
ودامك بعيد وتبخل بالرسايل=فالغلا مثل الشداد بلا مطيه
كم غايه ماتبررها الوسايل=والحقايق مالها نيه ونيه
ما بغيت القرب من شان الجمايل=خوتي لك عز واعزاز وحميه
صامل علمي ولا له من بدايل=دام عرقي يعتزي بالزايديه
التغلبي والزايدي عزوة اصايل=اولاد عم والفخر بالدوسريه
عزوة قروم تعلوا بالفعايل=نافلين بفعلهم كل البريه
محتمين الدار مروين السلايل=بيوم كل هو تبرا من خويه
لا بتي يوم الجهل بين القبايل=سعد منهو فزعته وقت البليه
مرخصين الروح ما نرضى الفشايل=الحياه بعز او حوض المنيه
انشد التاريخ وتجيك الدلايل=من قديم وحاضر الهم اولويه