السلام عليكم ورحمة الله وبركاته
الله يبشرك بالخير ياعبدالله
والله يوفق ابن عمنا سعد ال بريك
والصراحه شي يبهج الصدر انجاز طيب يفرح جميع الدواسر
وترانا جاهزين باللي يطلبه سعد من مساعده باي شكل
واعتقد ان مهمته صعبه شوي لان الجريده اسبوعيه يعني تحتاج الى مجهود
واقترح ان المتفرغ ولو لوقت قصير يساعد ابن عمنا سعد ال بريك بجمع معلومات او اي صور او اشياء تخص التراث وهذي اقل مساعده
وانا اوعد اخوي سعد اني اشتري الصحيفه واتابعها بشكل اسبوعي منتظم واي ملاحظات ابلغه اياها
وانا مستعد باللي يامرني به سعد ولولا ظروف دوامي كان ساعدته بدون ما يامر وعلى العموم اللي باقدر عليه باسويه بدون مايطلبه
واكيد ان جميع الاعضاء بيقولون نفس الكلام وان شاء الله يشوف منا اخونا سعد مساعدات بدون مايطلبها وهذا ابسط حقوق ابن عمنا علينا
اسف على الاطاله وبالتوفيق ان شاء الله ياسعد
اخوك الحر