مني لحكام العرب اجمل تحية واحترام
ترجمتها من داخلي وكتبتها سطر سطر
حكامنا اللي نفتخر في حكمهم مليون عام
اكبر فخر لأهل الخليج وحكمهم اكبر فخـر
عندي سؤال ولا لقيت اللي يجاوبني تمام
وابغا الجواب الشافي اللي ما لنا بعدة عذر
عيون طاويها السهر وعيون مرتاحة تنام
ومن هول ما شافت عيوني عيت تغض النظر
صحيح انا مواطن بسيط ولأعلي بعض الملام
لا شك فيني صــوت يزهم بالعروبة يا بشــر
صرنا نتابع نشرة الاخبار والموجز تمام
ونشاهد اللي بالعـرب صآير وحنا ننتظر
نشاهد انواع العذاب ونظهر شوي اهتمام
نحزن ولكن للأسف من وقتها ننسى الخبر!
الـــــى متى ؟ يا أمة محمد وحنا في ظلام
الى متى ؟ نبقى على هذا الدمار المستمر
ارض العرب قدامنا صارت مثل كومة حطام
وكل الضحايا المسلمين بيوتهم صارت قبر
تكفون فزو يا عرب تكفون مانبغا انقسام
ارض العرب فيها تراه يدق ناقوس الخطر
تعاونوا حطوا يديكم بالحروب وبالسلام
وقفة رجل واحد وسيروا صف بوجيه الكفر
وســـــــــلامتكــم،،،
الشاعر بشير البلوي