قصيدة للشاعر شافي بن ناصر بن شافي ال بريك الدوسري
البارحه ماذقتنا النوم برهاق
حلو الكرى لليوم ماطب موقي
جالس لحالي واكتب الشعر بوراق
اسجله وامحى الذي مايلوقي
الي على المعنى يلوق وله اشتاق
ولي بلا معنى هبى ومحروقي
افتحله البيبات لو هي بمغلاق
واقول روح ماتمشى بسوقي
الشعر وهبه والمعاني لها اذواق
وانته حقيقه ماتناسب لذوقي
ابغى اتخير صفوت الشعر لنساق
زين البيوت الي لها اهتز شوقي
ارميبها همي على الصدر لاضاق
وافضيبها عن منغرس في عموقي
من هم واحزانن وضيقات وشفاق
ريقي نشف واشفقت قلبي يتوقي
واخشى على قلبي من الهم ينباق
ولى يجي شين بنبظ معلوقي
ياما تجرعت المراره بالارياق
من وقتي القاسي تلوت سبوقي
ازريتنا اصمد في زمانن له افاق
وقت الغدر والحقد ويضا بيوقي
ياما رمى بالحر من فوق الاشهاق
وعقب التعلي لف حبله بطوقي
وياما رفع بعض الدلاسع بمعلاق
وعليه سوا مدلفات العذوقي
والله هو الي في يده صرف الارزاق
له حكمته وهو الحليم الرفوقي
وبطشه شديد ولاله الخلق تطاق
سبحانه الخالق وذاك مخلوقي
وصلاة ربي عد ملاح براق
على النبي الهاشمي الصدوقي