ياسعود ماقلت واقع ليتنامتنا=ولا يجي يـــوم تتخربط خطاوينا
ماغير كثرالمهايط من علاقتنا=وحنا هل السيف ونكرر دعاوينا
حنا وحنا وشارعنا و حــارتنا=ومواترن فارهه خــــذنـــا وخـــلينا
وخمس الفرايض صلاة الفجرفاتتنا=نسهرالى الصبح ماقمنا ووضينا
امانسولف عن العادات عــادتنا=والعنصريه عن اهل البحر والمينا
والا بالاشعار نمدح لاجل حاجتنا=يمد راعي السخاوالجود يعطينا
واما عن الدين مااهتزت عبارتنا=ويسب سيد البريـــه وكن مافينا
ويدنسونه على التمثيل شاشتنا=ونقول هيا نقاطعهم وبــيدينا
نجلب بضاعاتهم ونغش سادتنا=ياسعود الازرق مابه شي سوينا
حنا لهينا ورى الدنيا وغرتنا=حتى قلوب العرب غنت غـــــناوينا
حنا العرب هيه ضحكتنا ودمعتنا=على المهايط تسوقبنا سواقينا
لاتكثــــر الـــــنوح لاتهدم ولاتبنا =الا بعودة لكتــاب اللــــــه يهدينا