صح لسانك يامحسن آل بريك والله يحييك في المنتدى وانت مكسب للشعر والشعراء في المنتدى
هذي مشاركتي والله يجمّل.
مرحبا بك والبيوت اللي لفت محتشمه
أشهد إنها يابن تركي تروي الضمياني
كانت عروقي قبل لأقرا بيوتك بشمه
وارتويت وكل عرقن صايرن روياني
جعل يفداك الخبيل اللي جهلنا طشمه
واحدن كب الجزيل ويكتب الهزلاني
حنّا عشمنا في الشقردي والنشاما عشمه
إن ابوتركي ومثله للجزيل أعواني
والدليل أول حضور مبينن له رشمه
ماركة محسن ومحسن ثبّت العنواني