قصيده /مصيبيح بن متعب
اقدمها لمحبي الشعر ولمحبي هذا
الون بلذات وان شاء الله تنول على
استحسانالجميع
ياقلب سلم لا تعدا هل الخرج
ثم يلحقك مشروه ناس معروفه
لا يلحقك مشروه مني ومحرج
وايضا ولا يلحقك مني حسوفه
لو بس من باب المحبه تفرج
واحذر ترى غيرك صقور تحوفه
لو انتعدا دارهم ثم ندرج
ينس عليل القلب رجفه وخوفه
الدار حبها من محبة الادعج
اللي على ماقيل تزهى وصوفه
مقدر ابينها ومقدر اهرج
اخاف سكان البلد ياهنوفه
ناس لهم فالقلب مدخل ومخرج
وناس لهم فالقلب قصر يلوفه
يامن يلوم القلب ياساكن الخرج
ويبعده ويقربه عن شفوفه
يوفر التعليل ويقصر الهرج
الهرج لامن طال كثرت عجوفه
والصح زين وكل نفسن لها حجج
والصح عدن لا تكاثر ضيوفه
مانتلفت يم المعذرب ولو زج
بعض الكلام اللي يقصر نطوفه
يوم اكثر العربان مايقدر يحج
مابه دليلن في يمينه نشوفه
ودام النقا من بين اﻻحباب مزلج
مستور مابين الوليف ولوفه
وش عاد لو كثرو هل القول والج
خلهم على القرن العوج محذوفه
سج القدم مادام تقوى على السج
هي ودنا لو كان فيها كلوفه
ونا على شوف الغظي خاطري لج
بين المحاني العوج تسمع دفوفه
مالي على فرقاه غير تولج
سكت طريق الخرج يمكن نشوفه