::: مـنتدى قبيلـة الـدواسـر الـرسمي ::: - عرض مشاركة واحدة - في زحمة الافواه .. يا مزين الصمت !!
عرض مشاركة واحدة
قديم 23-03-2013, 01:25 PM   #1
 
إحصائية العضو








حمد ابن فهد غير متصل

حمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond reputeحمد ابن فهد has a reputation beyond repute


Sh3r في زحمة الافواه .. يا مزين الصمت !!

الصمت له عندي معزه ومقدار ..
في زحمة الافواه .. يا مزين الصمت !!

لا صار بعض البوح عند البشر عار ..
لو يشتعل جوفي حشى ما تكلمت

تعبت من قولة : (علامك) و (وش صار )
وان طحت ما ألقى سوى كلمة (سلمت)

واعذار اخلقها ولو مالي اعذار
مشيتها مره .. ومرات ما رمت !!

كذبة صباح الخير/ يا صبح الانوار
عذري ليا عدت ليالي ولا نمت

اسهر طوال اليل وضيوفي افكار
واقول لاْصحابي : نعم توني قمت !!

ما عاد فيني ألفت عيون واْنظار
يكفي بأني من زماني تعلّمت

ان الصدر بيت/ن .. وسكانه اسرار
نيام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

آقدم اقدامي على درب الاصرار
امشي ولكن للأسف ما تقدمت

(النار قدامي .. ومن خلفي النار !!)
والعمر يمضي بي وانا ما تولّمت

اجروحي اكثار..وتناهيدي اكثار
لكن على كثر المواجع .. تبسمت !!

ثم أْلتزمت الصمت وعزومي اكبار
ولو يشتعل جوفي حشى ما تكلّمت


ما راق لي

 

 

 

 

 

 

التوقيع

    

رد مع اقتباس