دارٍ خلت وشدوا عنها أهلها
ماعاد نلقى عقب أثرهم علامات
منزالهم خاوي وموحش محله
مافيه غير البوم ينعي بالاصوات
ذكرت خلان مشوا به وداجوا
أهل النقاء واهل الشيم والمروات
راحوا وماكن الديار اسكنوها
ماكن فيها الوجيه السفيرات
وقفت يوم (ن) عقب عام اتفكر
باللي لهم وقت الشدايد مهمات
يردون حوض الموت ماهاب واحد
من ضربهم تسمعهم أهل السموات
وجدي عليهم كل مالاح بارق
وعداد مادار الفضا من مجرات
يقولها منهو برى الوجد حاله
يغيب ويصحى على عصر مضى فات
وسلامتكم