::: مـنتدى قبيلـة الـدواسـر الـرسمي ::: - عرض مشاركة واحدة - الحب الأول
الموضوع: الحب الأول
عرض مشاركة واحدة
قديم 24-08-2012, 09:58 PM   #1
 
إحصائية العضو







برقن سرى غير متصل

برقن سرى is on a distinguished road


افتراضي الحب الأول

--------------------------------------------------------------------------------
قصيدة غزلية ب عنواان
(( الحب الاول ))


هموم المعنـا ولّعـت داخـل الصـدر = وضميره من ضروف الزمن بـاح مكنونـه
وأنا والله إنّي ماأقبـل الضيـم والغـدر = ومهما جرى نفسي عزيـزه ومصيونـه
صبور علـى صكّـات الايـام والقـدر = وفرقاء وليف حالوا النـاس مـن دونـه
أبو وجنة بيضـاء مثـل شعّـة البـدر = و حجّانـه الثنتيـن قوسيـن مقـرونـه
وتفاحتيـن بيـض فـي مقـدم الصـدر = ولبّة وردف وخصـر والخـد وعيونـه
يا سبحان من سوّاه هرجه عسل سـدر =وساوى جديل يكسـي الـردف ومتونـه
بعـد غيبتـه ومفارقـه صابنـي كـدر = وقلبي من اللوعات يـا مكثـر حزونـه
وليف شبيهه فـي جميـع البشـر نـدر = غريب بكل الوصف في شكلـه ولونـه
لو يشوفه الميلاف يا أهل الهـوى خـدر = مصيبة لو إن النـاس مثلـي يشوفونـه
أحبّـه وحبّـه فالحشـا عالـي القـدر = أحبّـه ونفسـي فيـه شفقـه ومجنونـه
أنا أسست جدر البيـت لايهـدم الجـدر = بنيته عسى المجمول ما يهـدم ركونـه
عسى إن السحاب اللي بروقه سرت حدر=على دار ملهوف الحشا يرخـي مزونـه
كلام سمعته منـه فـي غيبتـه صـدر = مسامح عليه وعارف ويـش مضمونـه
ترى من ورد عدّ المحبيـن مـا صـدر = بيتعب ويشقى و الله يكـون فـي عونـه
وخبيث النوايا لو بذل جهـد مـا قـدر = يا ليته مثل ما قيل يمشي علـى هونـه
عسى الحب الأوّل بينا ما مضـى هـدر = وعسى الزين يفهم زبدة الهرج ويصونه


كلمات الشاعر

علي الحبابي

منقووول

ولكم أجمل التحيااات

 

 

 

 

 

 

التوقيع

يامل قلبن كل مامات همه

دارت دواليب الدهر لين تحييه

    

رد مع اقتباس