[معلومات العضو برقن سرى]

السلام عليكم اعزائي أعضاء المنتدى الغالي هذه الابيات يتضمنها بيت ردده الكثير من هواة الشعر نسب لعدة شعراء ولكن صاحب البيت هو الشيخ والشاعر مسلط بن شعيفان الجمالين السبيعي وهو وكيل للامير الوليد بن طلال على التبرعات وخوي خاص لسموه ومشهور بشعره وكرمه الزائد مناسبة القصيد انه كان مع الامير في جلسه سوالف وضحك وقال له الامير يا مسلط من اطيب جدك ولا جدي قال مسلط جدك كفو و لكن مارسّاه على الحكم الا جداني ومن المعروف ان من ضمن من شارك مع الملك عبدالعزيز ف الفتوحات نخبه من قبيلة اسبيع بعدها زعل عليه الامير وقال قم انت مهبول !! وثم ارسل عليه مطلق هذي الابيات التي جاراها الشاعر ضيدان بن قضعان : مـسـلـط بـــن شعـيـفـان يا أمير أنا عندك حشيـمٍ وغالـي ولا احب انا شئٍ يمـس الكرامـه نفسي تروم المرجلـه والعوالـي هذا هدف نفسـي وهـذا مرامـه تاجرت في باب الشكالـه بمالـي بعت الرخامه وأشتريـت القرامـه قالو هبيل و جايزلـي اهبالـي اهبال طيب ولا صحـاوة رخامـه هذي تفاصيلـي وهـذي خصالـي يقولها اللي ما زهـد فـي كلامـه أن جزت لك فأنا الرفيق الموالـي وأن عفتني مسموح ومع السلامه دور وتلقالـك رفـيـقٍ بـدالـي وكل يبـي رفقتـك ترفـع مقامـه رد ضـيـدان بــن قـضـعـان وليت يا مسلـط كريـم السبالـي من هول بيتٍ يستحـق الزعامـه بيـتٍ تمنيتـه وهـو مـا ينالـي ودامه خطف قبلي فلا لـي ملامـه انا اتهمك بخطفته مـن خيالـي في غفلتٍ كلٍ غرق فـي منامـه لو كان وقتـي غرنـي عزتالـي وغديت طير وهو الشبك والحمامه وقت ٍ على كسابه الطيـب مالـي يلعب بشيخان العرب لعـب دامـه امن اولٍ تـذري خشـوم الجبالـي واليوم يغني عن ذرا الضلع خامه ومع كل هذا مـا جمعـت الريالـي ويهون موتي دون جرح الكرامـه واجود باليمنى وتجهـل شمالـي وهبال مسلط زاد راسي زعامه حي مهبـولٍ صامـلٍ مـا يبالـي ولا صاحيٍ وقت الشدايـد هلامه وسلامتكم