[معلومات العضو برقن سرى]

أسعد الله مساكم ، وهنا صوت وصدى للشاعرين الكبيرين مدغم ابو شيبه و لافي بن حمود الغيداني .. البدايه صوت مدغم ابوشيبه علموا من ضعونه خالفتهـا ضعونـي=الله يحفظـه ويغفـر خطـاه ويبيحـه شح وصله وترفات الصبا في عيونـي=ما كل السبـع والمترديـه والنطيحـه لي زمان وزمان وذي سواتي ولونـي=فارس بلا جواد وشاعـر بـلا قريحـه لا تذكرت مرواحـه وعيشـه بدونـي=شم جرحي وانا ماشـم للعطـر ريحـه كل ما هـز وجدانـي وبـدد سكونـي=والله اني طريـح مـن تعـدا مطيحـه لين صدري يربع من سحابـة جفونـي=ويتقفاني الشامـت بسيـف الفضيحـه اهدا واسفهل وانسا واهـون شطونـي=بالامل والرجـا والتجربـه والنصيحـه وان قصد لافي الحربي وهيض شجوني=ما خذا إلا وانا جاوب على البيت صيحه لف قلبي مثل لف الهبـوب الغصونـي=مارحمني وانا مشعوف والبعد ضيحـه ايه يابو حمـود وتسلـم ولا تهونـي=المريض لسريـره والقتيـل لضريحـه حسبك الله من شاعر وساحر جنونـي=كانك معذبن من خلـق ربـي شريحـه اشهد انك تمون وقبـل ذلـك تمونـي=لا كليت اللسان اللي بـراس الذبيحـه يوم لافندي ابـن البيـه والزنكلونـي=ياكل من الفشار ويرضع من المنيحـه ياعيال الظهور ويـا عيـال البطونـي=من قدر يمسك النسمه يعصر الصفيحه ======================== صدى الغيداني: آه ثـم آه وليـا قلتهـا سامحـونـي=تل قلبي معه مدغـم وبيـن نضيحـه عنت براسي الذكرى ويبست شنونـي=من خلاجه على خله وزفـرة فحيحـه والله انـي معـاد إلا تهـدم ركونـي=كني اللي يعيش اوضاع غزه واريحـه يا وجودي من اقصايه وياكون كونـي=يالله تكون في عون القلوب الجريحـه ويا غبوني على وقت مضى يا غبوني=يوم لا قلت كيف الحال قالت : مليحه ! من مسا اول لقا وليا آخر آخر طعوني=كل ما هبة الذكـرى براكـه وشيحـه مادرى إلا وانا ابهامي بقبضة سنوني=غيض اعضه وألمه استعذبه واستريحه سم يا مدغم وخذني على هون هونـي=سمح الله دروب اهل النوايا السميحـه ليه ما نكس عقالي واطـوح لحونـي=اسرج مهار مسحوب القصيد ورديحـه يوم مدغم سكب قافـه ونقـل متونـي=في ثناه العطر والباس سندس مديحـه لوماخذ شعري إلا من مثاني ردونـي=اعتبر مدتي من مدتـه لـي شحيحـه زادني دين وانا المبتلش فـي ديونـي=من عرفته وهو للطيب زنـد وقديحـه غن يالزيزفون انشـودة الزيزفونـي=للنقاء والمساحات البيـاض الفسيحـه بيض الله وجه اعز واصـدق ظنونـي=افلحت هقوتي ياهل الوجيـه الفليحـه والي آخر نفـق مشوارهـم حلزونـي=فدوة اسياد شعبي القصيـد وفصيحـه كل سلعه لها قيمه وسـوق وزبونـي=وقبح الله وجه من زاد سوم القبيحـه =================================