لاهنت يادموخ على الموضوع الهادف ، والشباب هم ذخر الأمة وأملها ، وما يؤلم هو أنه نجدهم مشغولين بأمور تافهه ، بل ولا فائدة فيها بل فيها هلاكهم وهلاك غيرهم مثل التفحيط
نسأل الله لهم الهداية ، وهذه أبيات قديمة جداً قالها الشاعر نايف بن مسرع-عندما كان طالب- في احتفال مدرسته الثانوية بأحد أسابيع المرور:
اسمعوني ياشباب * وأبغا تعطوني جواب *واشرحولي الاسباب * عندي سؤال خطير
ليش البعض نشوفه طاير*ودايم بارواح الناس يخاطر*يمكن يضرب عنده تاير* وش اللي يمكن يصير
لو تشوفه وسط الغماره *كنه الجني على الطاره *كنه قطو يطرد فاره* أنشهد إن عقله صغير
إن كان الله جاب امطار* الوعد خط المطار * ....................* هذي فرصة للتغبير
وإن كان النادي فاز * ركب وسكر القزاز * والسحا عنده ماجاز * واشتغل فر وفرير
والشايب الله يعينه * شاري الموتر بدينه * يبغا يريّح جنينه * مادراله وش يصير
وجاه جاره بالبناية * وقال له هيا معايه *الولد وسط العناية * عاوضك ربي بخير
اثره المقرود فره* وانقلب عشرين مره * خل ناديّه يسرّه *ويجبر العظم الكسير
ياشباب الدرب واضح * اتركو عنا الفضايح * اتركو من كان طايح * جعلكم دايم بخير
ياشباب انتو ذخيره * للوطن سرج منيرة*بدلوا السيرة بسيرة * واستقيمو في المسير
ياشباب الوقت يفتر* لاحدن بالعمر يغتر * من قوى لابد يفتر * من كبير ومن صغير