الحمد للي خالق الإنس والجان= يعلم بما في سرنا وفي علنا
منزل فروض الدين في خمسة أركان= له البشر والشجر يسجدنا
باسمه ابا انظم لي من الشعر قيفان= رد على اللي في كويته طعنا
شخص جزاء المعروف حقد ونكران= كلى الجميل و ذمنا في صحنا
نفسٍ خسيسه فجلد مقلح وجربان= أنجس من الفيران بَتٍّ مثنَّا
لو اكتب عيوبه أبي ألف ديوان= في كل خزي وعار له مجد وفنا
بعض البشر الطيب فيه غبن وخسران= أجحد من اللي بأم عامر تكنى
طبع السعودي يدفع الشر بإحسان= يصبر على المخطي لو كثير تجنا
مهوب ضعف مير في سفهة النذل حقران= همه وغمه جيشٍ عن قتاله كفنا
في اليسر تلقى الناس أصحاب واخوان= وان شانت أحوالك فلا تدور تعنا
مرحوم يا فهد المواقف سيد الأوطان= عساه في الجنات روحه تهنا
يوم انتخى لبلادكم نخوة إنسان= نخوة كريم بها العدى يشهدنا
يوم صدام دخل قصر دسمان= قال الفهد لكويت فينا ومنا
أبى على الجيران تقتل وتنهان= شرح لهم قلبه وداره بدون منا
شيمة فهد ما رضت حيفٍ وطغيان= هذي الهقاوي فيه ما أخلف اليوم ظنا
ما نام أبو فيصل ولاتهاون ولا خان= رد الجميل اللي سبق فيما مضنا
أبشر يبومبارك دع عنك الأحزان= ريح ضميرك خلك هاديِ مرجهنا
ترجع لدارك في قصيرات الازمان= عهد علينا بس أطلب تمنى
موقف شجاع مايبي شرح وبرهان= بسرعة عجله خذا القرار ماتونى
حاول يحل الأمر سلمٍ قدر الإمكان= خوف على أرواح البشر يقتلنا
لجله ومن أجله جت جيوش المريكان= ومن أجل أبو فيصل لبسنا كفنا
جمع جيوش التحالف لرد ظلم وعدوان= حن فزعة المظلوم كل خايف زبنا
قافك يبن مزعل فيه شرك وكفران= يومك تقول لولا بـوش أرواحنا يذهبـنـا
لولا الإله مدبر الكون رحمن= ثم الفهد كان الكويت واربوعها انمحنا
كان أنت في كاظمه جارتك إيران= يزج بك صدام في كل حرب يشنا
أن أشهد إنك خبل يا ابن عثمان= لولا الفهد ماجتك الجيوش يفزعنا
حنا حميناك مثل ما نحمي بنات ونسوان= في بيوتها ترقد وبخضاب تحنا
منتب كفو حرب ولا قد نيران= هلباج نومٍ في رقادك تغط وتهنا
من قال إنك تجزي إحسان بإحسان= أشبهت صدام وطارق عزيز ابن حنا
قال المثل يا شين لسانك حصان= كم روس قومٍ بسبته قطعنا
ملوكنا عز وللطيب عنوان= مواقف آل سعود بها كل شخص تغنا
الله يجزي الفهد بالذنب عفو وغفران= ويجزيه عن أمته خيرٍ ويجزيه عنا
و يحفظ أبو متعب وساعده سلطان= ويحمي بلاد العز داري وطنا