السلام عليكم ورحمة الله وبركاته
تقبلوها كما هي
مايحس الشخص ويزوّد غبونه = غير لامن واجه همومه لحاله
لاطواه الليل الاظلم في سكونه = استلمه الهاجس وطوق حباله
لارفيقٍ لاتوهق حال دونه = ولاصديقٍ لازهمه يطيب فاله
الكتوم يموت همه في عيونه = والهموم تراوده في كل حاله
يازمانٍ جرّع الطيّب مهونه = غيّب رموز الفعايل والجماله
وين مالديت عيني في ركونه = تهت في وصف التخلف والرذاله
العرب لابان طيّب يذكرونه = مير وقتي يخلف ظنون الشكاله
انشد المضيوم وش هيّض لحونه = وانشد العقال وش معنى الجهاله
الجواب اهل المعارف يجهلونه = والضمير يحيّر الفاهم سؤاله
الجمل عجزت عن الحمله متونه = والمنا ماكل من يبغيه طاله