يوم انها بالشعر وجزال الفرائد والحضور = ظهرت يانايف مظاهير الحرار الندري
بنات فكرك نابعه من صدق الاحساس وشعور = عانقت بن حلزة وبن شداد وايضا البحتري
ياضغطنا العالي ويا امير الشعر مانت معثور = ثنتين من يمناك قالوا محتميها الدوسري
عبرت يوم ان غيرك يدور على كرت العبور = يوم انها قدام كل الناس والممشا جري
ويوم اختفت راحت ولاندريبها تحت الدثور = ياشين ماتحت الدثور وزين ذاك المظهري
واكبر فخر يوم انت يابومعزي ابديت السرور = والا ترى المضمار من خبث النوايا ماصري
غسلتنا يديني بعد ماشفتنا ذيك الامور = من يوم كف الصوت قدام العرب ماينشري
والا انت يانايف عداك اللوم مامنّك قصور = يالشامخ الله لايهينك كل شي مقدري
البيرق حضورك ورفع الراس والوضع مخبور = واصل مسيرك خلها فوق العلالي تمطري
انت انت ياشاعر بشعره عالج اوجاع الصدور = شاعر ويشعر يوم غيره في المدايح يشعري
قضية ابن العم خالد عانها بين السطور = فتحت باب مانساه امه وابوه ويحتري
ياضغطنا العالي ويا امير الشعر مانت معثور = ثنتين من يمناك قالوا محتميها الدوسري