[معلومات العضو معجب حمد ال عمار]

السلام عليكم ورحمة الله وبركاته

اسعد الله اوقاتكم بكل خير,,,
قصيده مشاركه لما يحدث لاخواننا المسلمين في الشام من قصف وقتل سائلين الله ان يفرج عنهم وان ينصرهم على من عاداهم

الجرح ينزف والوفيات بالكوم=كم واحد (ن) من دون حلمه قتلته
الأم تبكي تذرف الدمع باللوم=تنعي غرير توها ما فطمته
بشار يا جعلك من العام مسموم=سم (ن) يفجر راسك اللي حملته
ويرتاح منك الشعب وتزيل الاهموم=ويمطر سحاب الخير بدار(ن) دمرته
شعبك غريق الدم ميت ومضيوم=بأرض نشأ فيها وارض(ن) حضنته
من بعد ماكانت بساتين وغيوم=وفواكهن تقطف وغرسن زرعته
صارت دمار يوجع القلب ياقوم=من عقب ما كانت عمار(ن) فقدته
بانت خفايا حقدك اللي لها رسوم=بتخطيط فاشل يوم عقلك كشفته
اتدبرك ايران تدبير مالغوم=تدبير ساقك للوغا لين ذقته
لكن دون الشام شجعان وقروم=منهاجهم الاسلام يومك جهلته
ضبعن وقلبك خالي الدين معدوم=ابيوت شعبك بالقنابل قصفته
الموج هاج وانت ما تعرف تعوم=احصد جنا فعلن بيدينك فعلته