[معلومات العضو مسفر المصارير]

بسم الله الرحمن الرحيم

السلام عليكم ورحمة الله وبركاته

يسرني أن أشارككم في منتدى الإبداعات الشعريه بهذه القصيده

فأي شاعر لا بد أن يكتب قصيده في قبيلته , ومما كتبت في قبيلتي ما يلي :

أبدا بذكر اللي عليه التدابير = الواحد المعبود منشي المخيله
أنا أحمد الله أني من المصارير = كسابت الطالات وأهل الجميله
من أهل العشر الرجال المناعير = عدوهم يا ناس يا عزتي له
لاد الحبيبي أهل المغاتير = قبيلةٍ ياطيبها من قبيله
منهم سعد صاحب قصة البير = ما بار في صاحبه حاول يشيله
وحزام بن مشوط اللي ضربته غير = بالرمح والشلفا راعي الطويله
من نسل تغلب ومن سلالة الزير = سلالةٍ أنا أشهد أنها أصيله
يا الله يا اللي تخلق الناس والطير = تزيل الهم عن قلبي تزيله
وصلاة ربي عد ما طارت طيايير = وعداد ما لاحت بروق المخيله
على نبيٍ دل أمته للخير = محمد اللي له صفاتٍ نبيله

من كلمات أخوكم : مسفر المصارير

عسى أن تحوز على رضاكم

وتقبلوا تحياتي وتقديري