[معلومات العضو برق الدواسر]

. ما يذلك بين ربعك ولا يكسر عصاك
غير نقص المال والا ضعافة صحتك
صحتك والمال لو طاحت الكل أزدراك
غير هذا يا أبيض الوجه وش في نيتك ؟
إن بلاك الله بفقر تناسوك أقرباك
ون بلاك بضيم ما أحدن درا عن علتك
أنت في عصرن على قد ما تعطي عطاك
مثل ما مديت تلقى مقابل مدتك
لو تشوف الناس لا رحت وش قالت وراك
تمدحك لا جيت ون رحت عنها سبتك
الفلوس اللي بجيبك تمثل مستواك
والكثير يقول قرشك يحدد قيمتك
هذي الدنيا وذا سلمها والله يقاك
احمد الله دامها للملا ما حدتك
ون بغيت أعطيك علمٍ وتخبر من وراك
مد يدك للذي ما يخيّب دعوتك
واجتهد في ما يخليك ما ترجي سواك
وابتعد عن حاجة ما توفر شيمتك