[معلومات العضو هادي الخضراني]

الامثال يوخذ من بعضها دراسـه = واصدقهن اللي بابلغ الوصف محسوب
يحكمه بالعرف من به فراســــه = ويبقى يمثل به مع اجيــال وشــــعوب
واكذب مثل ماهوب صدق ٍ قياسه = ان كل رجــل طـــيب ٍ فيــــه عـــذروب
لا والله الا كل من طاب راســــه = غير الوفا ينــدر تحصــــل به عيــــوب
كم طيب ٍ يعجبك من طيب ساسه =ويشفيـك لامــنك نـــصيــته بماجـــوب
اللي على الرفقه يسوقه حماسه = ذخراً عن الحاجـه ودربــك لــــه دروب
ان رحت له حصلت عنده الاناسه = وان غبت عن عرضك يمثلك وينــــوب
لا يابعد راعي علــوم الخساســه = اللي لمسعى الهون يلقاله اسلـــــــوب
لا احسنت له سوى عليك انتكاسه = ثم لبسك ثوب ٍ مــن الحــقد مقلـــــوب
ماغـير صوبك مضهر ٍ قو باسه = قليل نـــفع ودوم شــــذاب عــــرقـــوب
البــال لا جــيته يزود عمــــاسه = ما ترجـع الا كاسب ٍ منـــــــه ذنـــــوب
ذا والله اللي صد واقطع احساسة = منتب على شوفه بدنيـــــاك مغصــوب
الغصن مايثمر بحــالـة يباســه = والطيب ما يرجي مجيه من الطــــــوب