[معلومات العضو ابو غصين المشاوية]

أنا يوم شفت البيت الابيض وسيده غاب=تذكرت راعي البيت يا جعله الجنه
تذكرتنا منهو كريم مع الاصحاب=ويفرح ليا من الركايب تنصنه
حصان يشرع منزله ما يصك الباب=ولامنه شاف الضيف هلى بلا منه
جنابه عسل ومشاهده للعماس اذهاب=وله مجلساً يلقابه الهيل مع بنه
مع العود الأزرق للمسير مع الترحاب=وحيل تجفا بالصياني يبارنه
حميد السجايا تاج راس على الاقراب=لطيف من الادنين والصاحب يحنه
ولامن تبين بالعداوة بعض الاشناب=كما الضلع ضربات الهوا ما يهزنه
هذا ناصر بن غصين يا سامع الجواب=يعشق المدايح والمدايح يعشقنه
اقوله بناصر طيب الراس والانساب=اقوله حسب ما شفت وسمعتنا عنه
لو اني باتابع سيرته ما يسد اكتاب=غنياً عن التعريف ومطبق السنه
اقوله وأبو منصور من يمدحه ما هاب=مديحاً عسى الله يرحمه ويعفا عنه
عسا جنة الفردوس تفتح له الأبواب=ويلقى بنات الحور والحور يلقنه
ولا لي جدا غير الدعا له بغير حساب=ومما بقلبي قلت الامثال يرثنه