[معلومات العضو بن مشخص المسعري]

بسم الله والصلاة والسلام على رسول الله اما بعد:



كبار السن عندهم حكم وتجارب
واكثر موقف تظهر به هذ ه الحكم والعبر هو عندما يوصي
الشاعرهو
سعد بن ناصر بن فهد
بن سعد بن هتيل بن فهد من ال اباالحسن من المساعره الدواسر
من مواليد الغاط 1333هجريه
توفي بوادي الدواسر رحمة الله عليه

هذه القصيده وصيه من سعد بن هتيل لابنائه وذعار المسمى بالقصيده هو :
ذعار بن سعد بن عويضان الجفارين الدوسري

يقول سعد:

يا ذعار لا جيتهم يوم انت مرسالي=ما خاب من كان مثلي وانت مرساله
سلم عليهم سلام صافي حالي =واثنه على اللي يقول العود وش حاله
هذا وانا يا فتى ما هوب عزالي=كم واحد يمتني مثلي ولا جاله
انا الحمدلله عزيز وطيب فالي=ومن كان مثلي عزيز وطيب فاله
ياناس خلوني المسؤول بهبالي=واللي بصير بحاله مالي وماله
لولا المهبل حشا ما يرتشي حالي=جعله اهبال يزود وزوده اشلاله
خلوني ادله مع الخبلان واشلالي=ما سرني صاحي في دبرة احواله
يا عيال هاكم جواب من تمثالي=كلام عود قضا باللي تهياله
تكفون حاذور من سيرات الانذالي=ترى الفتى سيرته من جوهر افعاله
لاتحسبون الفخر في جمع الاموالي=كم واحد عوقه المسموم من ماله
يا مليم المال جعله قله الوالي=لا صار ما هوب في العازات يشفاله
اما صديق شفيق حده الالي=والا بن عم ثقل حمله ولا شاله
الجوهر الغالي اللي مكسبه غالي=كسب الثنا يوم ما كل بيحتاله
والطيبه سنها الاول على التالي=ومن جنب الطيب واهل الطيب عزاله
والغانمه ما كسبها كل رجالي=ايضا ولا كل رجال بيتهياله
والما المسمى يبي دلو ومحالي=وكل يقوس الطويل ويرد بحباله
هذا جوابي وانا اقوله ولا ابالي=من مصنع صايغه يفهم تسلساله
مانيب كوح يرقعها بالاسمالي=ما حل في خاطره من ملهج قاله
اصبها صب وانخلها بمنخالي=واصفها صفة الصراف لرياله
هذا ولا نيب للعربان دلالي =مني وعني واقوله واتثناله
افضيت عما مضا باللي تهيالي=واستغفر الله بدق القول واجلاله

----------------------

وقال:

والله لو ان الهرج من غير سلطان =ماصبر ولو ان التسرع من ابليس
فسادنا ذبح الغنم يا بو مران=وحط عليها من طول النسانيس
ونطرب الى جانا من البعد ضيفان=نفرح بهم من حبنا للنواميس

.................

وقال بالكرم:

ياللي تقول ان فقرنا من يدينا=لاتحسبنا ما نعرف التدابير
ياما غدا من ويا ما عطينا= وياكثر ما حشت يدينا من الخير
نجود من جودات ربك علينا=ونصبر ليا كثرة علينا المخاسير
وان جات من ربك على مابغينا=والاجرنا في رجا الله بتيسير
ولو الصخر ياطا على ما وطينا=خطر يذوب من التجمد على الكير

توفي الشاعر بوادي الدواسر رحمة الله عليه