[معلومات العضو الهاج ـري]

علموني خبروني وين ابلقاها عيوني
قفّت وخلت فؤادي منكوي بالفين علّه
كيف خلتني وراحت وارتضت تحيا بدوني
كيف هانت في عيونه دمعة(ن) في عين خلّه
يازمان الضيم لا تبعد بها وارحم جنوني
لا تحرم القلب وصله (ولا تزيد الطين بلّه)
ياإلهي ياإلهي انت في الضيقات عوني
طالبك ترأف بحالي وقلبي الحاير تدلّه
همها كل يوم يكبر شايله حمله متوني
من بعاده نفس(خالد)زادها عافته كلّه
يامقادير على غير الوعد حلّت بكوني
وطرحتني للعنى قلب الشقي يمّك تتلّه
ساهر ليلي وشبه في سواد الليل لوني
لا ضوت قمره ولا به كود دمع العين اهلّه
ويل حالي ياعساهم ما سلو عني ونسوني
ياعساهم يذكرو منهو طريح(ن) في محلّه
ياعديل الروح لجلك كل اوجاعي تهوني
لك مكان(ن) في فؤادي غيركم محد(ن) يحلّه
يارسول الشوق قله فيه ناس(ن) حمّلوني
حبهم واشواق قلب(ن)ووصفه دقَه وجلّه