[معلومات العضو هادي آل حشفل]

السلام عليكم ورحمه الله وبركاته

حبيت أهدي لكم هذه القصيده وهي من إبداعات الشاعر الكبير/ محمد بن
محسن الخضراني الدوسري وعسى أن تنول إعجابكم ،،،

أناوين بالقى من يود الخبر ويجيب
دليلٍ يدل الدرب ويدل الاسناعي
أمينٍ صدوقٍ منصحٍ وصحيب
راعي فزعه خفيف نفسٍ ومطواعي
أبروحه حيثٍ إن مراحي علي صعيب
صعيبٍ على عنوه مراحي ومرجاعي
أنا في البلد ومضيعٍ ذا الزمان ذهيب
ذهيبٍ غدالي شحنهٍ عقب ماضاعي
مع نجع بدوٍ طردهم كايدٍ وتعيب
اليا دبروا صوب المخاضير نجاعي
تقافوا لخدٍ يهتونه وذكر بطيب
خذوا فيه مشتاَ ثم خذوا فيه مرباعي
الالا الرجا كونه يقربهم النصيب
أبا قول فرقاً ماوراها تجماعي
بعيدِ علي وأن جيت في خدهم غريب
أغض النظر وأحف رجلي من القاعي
أصدد بروحي قومي الذيب فالقليب
منعني لاواجه رغبه النفس مناعي
كلام العرب خوفٍ يجي له على مجيب
يصير الخبرمن بين ناقل وسماعي
ولوكان هرجٍ فيه مخطي وفيه مصيب
من اللي بيقدر يخفي العلم لا ذاعي
أشوف المجي اللي بليا لزومٍ عيب
لاجيت العرب مالي لزوم ولا داعي
بجي في محل الشكـ وادخل مجال الريب
وانا ارفع مقام النفس مانيب دناعي
مايرضى بضعف النفس من منسبه عريب
يكون الخبول اللي مذاهبهم وساعي
لاجيت العرب بالقى الكرامه مع الترحيب
يبدون حق الضيف حب وتطراعي
وهم لو دروا حطيت مثل الشعف والذيب
عدوا له بعجلات الندب لين ينصاعي
لاعذرٍ يجريني ولا حولهم قريب
ولابه صديقٍ منصحٍ يبخص أوضاعي
ولابه حدٍ يسرح ولا عادبه عزيب
كثير العرب في مرزقه حط له راعي

(

وتقبلوا تحياتي وتقديري

)