رزقي على اللي صنوف الرزق بيدينه=الواحد اللي يقدرها ويعطيها
والله ماارضى على مبداي واهينه=ومحجة الجود يدعيني مناديها
لانيب هافي ولا نفسي بمسكينه=وافكار راسي على العليا تقديها
يا اللي تطري رصيدٍ طالت سنينه=رصيدي المرجلة يومك مخليها
المال ما ينجمع من شان تخزينه=المال يجمع لامورٍ ينبذل فيها
للجار والضيف والمحتاج والزينه=وبذل المراجل لاهلها مانخليها
نعرف ظروف الرفيق القرم ونعينه=ولانخلف أهل الجمايل من هقاويها
الشاعر : مسفر الكبيري
بيض الله وجهك على الأختيار الطيب
وصح الله لسان الشاعر /محمد بن عبد الله بن كلاوى المخاريم الدوسري
على هذه القصيدة الطيبة والكبيرة في معانيها
ولاتحرمنا من مثل هذه القصائد الطيبه
لاعدمناك ياذيبان
عاطر التحايا القلبية لمقامك العالي
من محبك ومحب الجميع : دغش البطي