السلام عليكم ورحمة الله وبركاته
قصيدة للوزن الثقيل ، وله قصة تشرحها الأبيات
عز الله انك يا المغفل تعديت
على مصامخ روس قومن عنيده
اخطيت ثم اخطيت واخطيت واخطيت
وطمعت في ورث الحفيد لحفيده
مادام باقي واحدن م الشفاليت
مافيه من يطمع بشيخة عبيده
في مامضى مالك شدادن ولابيت
وجدك من الامجاد خال رصيده
ولا لك على الدنياء لاحس ولاصيت
ياللعجب وش ها الامور الجديده
كذبت لك كذبه وقمت وتعزويت
عينك صغيره والهقاوي بعيده
جابوك مثل التيس في بدي وانيت
وقالو لك انت الشيخ وانت الوليده
ماينقصك ياكود مشلح وجاكيت
وخاتم وساعه ماركتها فريده
وتصير يابلفيت مدري يابلفيت
شيخ(ن) تنصاك الامور المكيده
وتبيني اكتب فيك خمسة عشر بيت
واخلد اسمك في مجرد قصيده
بنات فكري ماتخلد سرابيت
نوعيتك مني ماهي مستفيده
ماعندي الا ماسمعته وما اوحيت
با المختصر يكفيك ولا نزيده