امية هلا ومرحب لاجل ماتقولين=راسه كبر ذا مايرد السلامي
تدرين انتي من بشر حيل غالين=وقلبي لمثلك لاخفق مايلامي
يفز واخشى يفضح النبض خافين=لا صختنا لاسمك ابزود اهتمامي
واغضب كما هبت جموع الملايين=لامن حلمت احدٍ ذكرك بملامي
واهدا كما طفل رضيعٍ لعامين=لازارني طيفك وجدد غرامي
وفي لمستك ترياق لو خذت سمّين=واشقى لبعدك في ثواني منامي
ياجاريٍ حبه بوسط الشرايين=مايرجح الميزان كثر الكلامي
يكفي عن التوصيف لو شطر بيتين=لاقلتها عني اترد السلامي
مسفر ابن عبدالله الدوسري=