الشاعر مسعود بن سعد المقابلة .. شاعر هرم
ومن أعمدة منتدى قبيلة الدواسر الرسمي
ومن الشعراء اللذين عاصروه منذ بدايته
ورغم ابتعاده المؤقت لظروفه ، إلا أن قصائده لن تغيب
بإذن الله عن هذا المنتدى وعن جمهوره
وهذي إحدى قصائده:
جيت المكان اللي قبل عام جيناه=لو ان جو اليوم ماهـوب جـوّه
اليوم ضيق..وهم تفريق..بتـلاه=والعام حب..وشوق غالي..وخوّه
جيته..وشفت اللي بقى من بقاياه=ما عاد ينفـع قـول ليته..ولـوّه
أجنبـه مـع كـل درب يتعـداه=ما لي على بعض المواقع جـروّه
درب الشقى حطيت رجلي بمبداه=ووقفت في مبدا الطريق المتـوّه
ساعة وقفته عاود القلب ذكـراه=ولحق على قلبي من الوقت سوّه
قامت تهدم وسط صدري زوايـاه=وهلت من الذكرى على الخد نوّه
انا احسب ان من يوم قفت مطاياه=ماعاد باقي بالحشا كـون ضـوّه
أثره ربيع القلب.. وأوله.. واتلاه=وتوه تحت لب المحاديـب تـوّه
ياوقت..تكفى ..بس لحظات وياه=كـود العليـل يعجّـل الله بـروّه
وقفة غلا..تمسك يميني بيمنـاه=وبعد الوصال اللي تسويه سـوّه