كف دمعك وانفض غبار المذلة عن جبينك=ياخويٍ ماحفظ درس الليالي عن خويه
قلت لك مليون مره بس مابيّن في عينك=ياخي حب اللي تحبه بس ماهي ببدوية
وش تبي بالحب دام انه يبهذلك ويهينك=لاشربته مارواك ولاضميته مهمهية
في المحبة ياصديقي ذابحينك ذابحينك=يعني جبت العيد في نفسك قبل عيد الضحية
والله ان تشقا يسارك من سبب غلطة يمينك=وان تعاف النوم هذي العين قبل العين ذيّه
بس فيهم شي واحد خابره يمكن يعينك=وحدتن قالت احبك والله ان تبقا وفيه
مايهم شلون تلبس او يهم شكثر زينك=وماعليها لو لبست ثياب سوق القيصرية
بس لاقامت تغلا ياعناك وياعوينك=تحذفك من برج ايفل لين برج الفيصلية