السلام عليكم ورحمة الله وبركاته
مسيكم بالخير
صلوا على النبي
مساجلة بيني وبين اخوي العزيز والشاعر القدير / محمد بن علي آل عبدان اليامي
واقول انا :
الا ياحمام الورق لاتكثرين النوح=ترا خافقي من قسوة الوقت ملتاعي
تجر الغنا منكوس لو مالها مصلوح=وانا ازريت اداري العلم من بين الاضلاعي
تزاحم بصدري يامحمد وحان البوح=ومثلك يابن الاجواد للحق قطاعي
الا ياصحيبي وش دوا خافقن مجروح=وانا من بعد درب الهوا شانت اوضاعي
وقيل الهوا لاطب في غبته سابوح=فلايامن امواجه تلاطم به القاعي
فترا خافقي لاشفت نوض البروق اتلوح=يشاد السما والعلم ماعنه مهزاعي
رد محمد بن علي اليامي :
هواجيس وقتي في خفوقي تجي وتروح=واسامر نجوم الليل والحظ ماطاعي
وتفوح المشاعر في صميم المعنى فوح=ويهزالغصون اللينة كل ذعذاعي
شكا لي صحيبي من عنا الوقت فية جروح =وطاه الزمان اللي وطا طايل الباعي
تجيني علومة والهوى فالزمن مسموح=ولاكل علم لاسمعناه ينذاعي
ومثلك ماهو يلام ياالفارس الطحطوح =ليا شفت طب الروح والبرق لماعي
نسيت الهموم وشفت منهو غذا للروح =لاكن الهوى من غاص في غبتة ضاعي