اخواني هذه قصيدة اجاوب على سؤال جاءني
واليكم القصيده
لولاي اسلي خاطري بالقصايد= وابدع حسينات المثايل ولشعار
كان البلاء هم المعنى طرايد= وخطر علي الموت قصاف لعمار
الله من قلب همومه بدايد= دنيا دنيه مير كتب القلم سار
كني كسير حط فيه الحدايد= عقب العظام وصلبة الساق مسمار
يصيح مير الناس مابه فوايد=والناس ماتنفع الى صار ماصار
قبلي النبي يوسف كوته اللهايد= زاكي النسب والجد من خير لطهار
ومانيب هافي الجد في الناس رايد= مواقفي عنبر وكادي ونوار
اسوق نفسي ماتتقيت حايد =من لاد ناهش هاينة كل جبار
ودعاني ن كايد على كل كايد= يشهد لهم بالعلم زينات لخبار
اهل السوالف والشيم والعوايد= ساس الشجاعة واصدق الوسم تذكار
من كاسبين المجد آلاد زايد = بحر الندى سقم العدى غيث لمطار
دواسر وقت الرخى والشدايد =كم حاسد لاسمع (دوسر)غدى فار
هذي علومي جاك علم وكايد= احفاد (عمرو) إن كان تبحث عن اسرار