اول شيء
السموحة يالرفاقة على الانقطاعة وحاشانا من القطاعة يارب
ومثلكم يعذر اخوه وظروفه...
صوت للشاعر عبدالله الصندلي السبيعي
بقصيدة غزلية ثم" وجهها يمي يشكي لي من الهوى
وصدى اخوكم ياعلّني موفق" به...
اطرحها بين ايديكم...
يقول:
يا صاحبي ما تناسيتك على بالـي=لوكان لاهي في الامور الدراسيـه
لانك في قلبي الاول ماانت باالتالي=ومحبتك في الحشاء ميه على ميه
غصبن على خشوم عذالك وعذالي=حبن لك الله على طيب وحسن نيه
من بعد فرقاك قلبي ماهو ابسالـي=والنار وسط الحشى ياصاحبي حيه
يا (المسعري) اثر سهم الحب قتالـي=والموت لاصرت عاشق لك فلانيـه
اتشوف من بعدها ياخوك الاهوالي=بعد انقطـاع العلاقـات الغراميـه
عشرة اشهورن وانا ما دق جوالي=وانا انتظــر لإتصاله كل عصــريـه
يا وجد روحي عليه ويابري حالـي=اللي فراقــه كواني وانجـح الكيـه
((عـبـدالله ابـــن حـصـيـن السـبـيـعـي))
وقلت له:
يا مرحبا والشعر تبـرك له جمالي=وينوخ طرقي مع القيفان جــبــريه
كِنْهَا وأنا [بأحمد الله] يميني/ إشمالي=ملعاب سبحة .. تلف / إتدور .. بيديه
أهلا" هلا .. والقصيدة جات بإرسالي=من شاعر" ينهج قلوب الهـواويــه
وانا لك الله ... خضار القلب يـحـلالـي=ويطريّ علي صاحب" مانيب ناسيه
إن جت على الحب/ كنت أغليه وآغالي=ويزود فوق الغلا عن موتي إشـويـه
جرحني وآاحسبي الله قطّع آمالي=ذكّى خفوقي/ وضحى فيه عيديّـه
كرّمت جرحي يا (عبدالله) بترحالي=ما قد جرحت لْرجل.. خلّ أجرح بنيّه
يـا حيّ بنت" خذت في قلب رجالي=و الموت يومن ترده بحلق جنبـيّه
((مبارك بن الجوير المسعري))