ياصاحبي سـود السنيـن الأخيـره
اخذت منهـا درس وافـي ومفهـوم
في كل يـوم والرحـى المستديـره
تظهر عبر واحداث واحزان وهمـوم
نسعى على الدنيـا وبقعـا قصيـره
واللي يمر العبد مقضـي ومقسـوم
لـو كـل رجـالٍ يحكـم ضمـيـره
ماشفت بين الناس ظالـم ومظلـوم
واللـي ماياقـف للامـور العسيـره
ماهوب في نطـح المهمـات ملـزوم
يرتـاح وامـواج البحـر لا تثيـره
ماهوب ملزوم على المـوج والعـوم
واللي اهمومـه فـي حياتـه كثيـره
لايطلب الفزعه من انسـان معـدوم
وسيف ماتفرق سلتـه مـن جفيـره
ماهو امفرج لك الى صرت مضيـوم
ارررررحب يابوسالم
وحيّه وحيّ ماجااااب
وصح الله لسااااانك لييين ترضى
ويسلم منطووووقك يالقرم
عزالله بعض المواقف
تثير النفس فتتطرق للحكمه
وهنا تسطرت الحكمة عقل الشاعر المبدع
يسلم فكرك ومنطوووقك يامحمد
واسعدني مروري المتواضع وانا اخووك
فتقبله عسى الله يسعد ايااامك...