مســـاءكم ~~ صبــاحكم
شعـــر
لي وقفــــــه هنـــــا مع هذه النصــوص أتمنى أن تستمتعون معـــي بهــــا.,.,
.,
مدخـــــــــل ~~
وش هالشتات اللي قضيت العمر كله أجمعه..؟
وش هالسنين اللي معي عيت تمضيها السنين..؟
وش هالطواري والهواجس والجروح الموجعه..؟
وش هالتردد والتخـوف والأماني والحنين..؟
الدرب خامس والجهات اللي تعرفين اربعه..
والصمت صوتي وما تعودتي لصمتي تسمعين..!
يا بنت عمري مر بعيونك وضيقاته معه..
وأنتي تبين من السما عقد وعيوني نجمتين..!
تصوري حتى الشعور المر صعب استجمعه..!
أجي وأنا كلي كلام ولا نطقت بكلمتين..!
الأرض يبست في عروقي والديار مشرعه..
ما مر به ضيف كريم ولا مشوا به راحلين..!
... البحـــــــــــــر ...
البحر هذي حدود البحر... من يرفع شراعه
قلت أنا.. والريح.. قلت الريح باذن الله تطيعك
والزعل قلت الزعل ماهو لمن مثلي بضاعة
وأنت بعضك يارفيق العمر يكفي عن جميعك
مايغيرنا زمان..ولاتبدلنا قطاعة..
كم قسى باكر بوصلك.. قلت ياباكر تبيعك
والزمن, قلت الزمن.. ماهو قليل إن غبت ساعة
مااستطيعه وأنت فيه.. شلون لاغبت أستطيعك
أشتريتك بألف صبر وبألف سمع وبألف طاعة
شوف كم مرة شريت ؟؟ رضاك مافكرت أبيعك
كنت في عمري يقين.. وصرت لأحساسي قناعة
من شرب صيفك وضم شتاك.. يستاهل ربيعك
مخــــــــــرج~~~
قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !