راس ياللي تركز شياطينه=اقضب ارضك وخل الوضع هادي
حالف ٍ في هوى النفس لاهينه=موتي اهون علي من تنقادي
راكب اللي ثمنها مغلينه=ماشراها شريطي وكدادي
من يبيها يجهز ملايينه=ويتعاقد مع برج الارصادي
طايره نوعها سابق ٍ حينه=خطة الفين وعشرين ميلادي
منوة اللي شقا باول سنينه=باول الدرب والهم منقادي
لاظلم الليل وارتاح ممسينه=باعتليها وانا ادل ميرادي
صوب عود ٍ خذا الطيب بيمينه=شوفته لاضحك ثالث اعيادي
وسط روض ٍ تمايل رياحينه=عند ذود ٍ على القفر معتادي
حول ربع ٍ لنا العز بانينه=فعلهم من قديمات واجدادي
والختام الشقي يالله اتعينه=بدل الهم يارب باسعادي
الاخ العزيز الشاعر / الحر
صح الله لسانك على الجزله
والحمد الله اللي كتب انك تعايد شيبانك
وهذي طراة الدنيا
تسلم ويسلم غاليك
اخوك
ابو عبد الله الشكري